މަދިރި ހަފާ ތަންތަން މާ ބޮޑަށް ހިރުވަނީތަ؟ ތިކަމުގެ ފަރުވާ މިއޮތީ!
މަދިރިީގެ އުނދަގުލަކީ ގިނަ ބައެއް ތަހައްމަލު ކުރަމުން އަންނަ ވޭނެކެވެ. ޚާއްސަކޮށް އަތޮޅު ތެރޭގެ ރަށްތަކުގައި ދިރިއުޅޭ މިހުންނަށެވެ. ހަވީރު ގަޑީގައި ޖޯލިފަތީގައި އެންމެން ސަކަވާހަކައިގައި އިންނަ އިރުގައި ވެސް މަދިރީގެ އުނދަގޫ އިންތިހާއަށް އޮވެއެވެ. އެންމެ މަދިރިއެއްވެސް ހަފައިފިއްޔާ ދެން އެތަނުގެ ހިރުވުން ނުހުއްޓިގެން އުޅެން ހެއްޔެވެ؟ ތިކަމަށް ހައްލު މިއޮތީއެވެ. މިކަންކަން ކޮށްލުމުން ކުޑަ ސިކުންތު ކޮޅެއްތެރޭގައި ހިރުވުން ހުއްޓުވައިދެއެވެ.
އެލޮވެރާ
އެލޮވެރާ އަކީ އެކި ގޮތްގޮތުން ހަންގަނޑަށް ފަރުވާ ހޯދައި، ހަންގަނޑު ރީތިކޮށް ބެހެއްޓުމަށް އެހީވެދޭ އެއްޗެކެވެ. ހޫނު އަވީގެ ސަބަބުން ހަންގަނޑު ހޫނުވެފައި ވުމުން ހަންގަނޑުގެ ހޫނުމިން ދަށްކޮށްދޭ އެއްޗެއް ގޮތުގައިވެސް އެލޮވެރާ ފާހަގަ ކޮށްލެވެެެއެވެ. ނަމަވެސް އެނގޭތޯއެވެ؟ އެލޮވެރާއަކީ މަދިރި ހެފުމުގެ ސަބަބުން ހިރުވަން ފަށައި އެ ހިރުވުން ނުހުއްޓިގެން އުޅޭކަމުގައި ވަނީނަމަ ބޮޑު އެހީއެއް ވެދޭ އެއްޗެކެވެ. އެލޮވެރާ ކޮޅެއް ހާކާލީމަ އެއްފަހަރާ ކެހުން ހުއްޓެއެވެ.
ދޮންކެޔޮ ތޮށި
އާދޭހެވެ. ދޮންކެޔޮ ތޮށްޓަކީ މަދިރިހެފުމުގެ ސަބަބުން ހިރުވާ ތަންތާނގައި އުނގުޅަން ރަނގަޅު އެއްޗެކެވެ. މަދިރި ހަފައިގެން އެތަން ކަހައިގަނެ، އެކެހުން ނުހުއްޓިގެން އުޅޭކަމުގައި ވަނީނަމަ، ދޮންކެޔޮ ތޮށި އެހިރުވާ ތަނުގައި އުނގުޅާލާށެވެ. ހިނދުކޮޅެއްގެ ތެރޭގައި ހިރުވުން ހުއްޓިދާނެއެވެ.
އައިސް ކިއުބު
މަދިރި ހަފައިގެން ނުވަތަ އެފަދަ އެހެން އެއްޗެއް ހަފައިގެން އޭގެ ކެހުންގަނޑު ނުހުއްޓިގެން އުޅެން ޖެހުނު ހެއްޔެވެ؟ ތުވާލި ތެރެއަށް 3 ވަރަކަށް އައިސް ކިއުބު ލުމަށްފަހު، ރަނގަޅަށް ބޮނޑިތާން ކޮށްލާށެވެ. އެހާމެ އަރާމުވެ އެހާމެ އަވަހަށް އެ ކެހުންގަނޑު ވެސް ގެއްލޭނެއެވެ.
ލޮނު
ލޮނަކީ ހަމައެކަނި ކެއްކުމަށް ބޭނުންކުރާ އެއްޗެއް ނޫނެވެ. އެކި ކަންތަކަށް ބޭނުން ކުރެވޭނެއެވެ. އެގޮތުން މިއީ އެއްގޮތެވެ. އަތަށް ހެޔޮވަރުގެ ލޮނު ކޮޅެއް ނަގައި އެ ކަހައިގަންނަ ދިމާލުގައި ރަނގަޅަށް ސްކްރަބް ( އުނގުޅުން) ކޮށްލާށެވެ. އުނގުޅާ ވަގުތު ފުރަތަމަ ދިލަ ނެގުން އެކަށީގެންވެއެވެ. އެހެން ނަމަވެސް ކުއްލިއަކަށް އެ ކެހުންގަނޑު ނުވަތަ ހިރުވުންގަނޑު ގެއްލޭ އިރުގައި ތިމާއަކަށް ނޭނގޭނެއެވެ. އެހާވެސް އަވަހަށެވެ.
ދަތް އުނގުޅާ ބޭސް
ދަތް އުނގުޅާ ބޭހުން ހަމަ އެކަނި ސާފުވަނީ ދަތް ޕިލައެއް ނޫނެވެ. މޫނުމަތީގައި ނަގަމުންދާ ބިހިތަކުގެ ޝިފާ އަކަށް ވެސް ދަތް އުނގުޅާ ބޭސް ފުދެއެވެ. އަދި ކިއެއްތޯއެވެ؟ މަދިރި ހެފުމުން އޭގެ ކެހުން މައިތިރި ނުވާ ކަމުގައި ވަނީ ނަމަ އެކަމަށް ވެސް ދަތް އުނގުޅާ ބޭސް އެހީ ވެދޭނެއެވެ.
އަދި މީގެ އިތުރުން މަދިރި ހެފުމުން އެ ވާ އުނދަގުލާއި، އެ ހިރުވާ ހިރުވުންތަކުން ސަލާމަތް ވުމަށް ކޯލާޓަރު ނުވަތަ ވިނިގާރ ވެސް ބޭނުން ކުރެވިދާނެއެވެ. ހަމަގައިމުވެސް އަތޮޅު ތެރޭގެ ރަށްތަކުގައި ދިރިއުޅެމުން އަންނަ ގިނަމީހުނަށް މިތަކެތީގެ އެހީގައި މަދިރީގެ އުނދަގުލުން ސަލާމަތް ވުމަށް އެހީވެދޭނެއެވެ. ގޭގައި ކޮންމެ ދުވަހަކު ގެންގުޅޭ ސާމާނުތައް ބޭނުން ކޮށްގެން މިކަމުން ސަލާމަތް ވުމަށް މިއޮތީ މަގެވެ.
Ads by STO
