މާދަމާ މެންދުރު މާލޭގެ ބައެއް ތަންތަނުން ކަރަންޓު ކެނޑިދާނެ
މާދަމާ މާލޭގެ ބައެއް ތަންތަނުން ކަރަންޓު ކެނޑިދާނެ ކަމަށް ސްޓެލްކޯއިން ބުނެފި އެވެ.
ސްޓެލްކޯއިން މިއަދު އެކްސްގައި ބުނީ އެ ކުންފުނީގެ ކަރަންޓުގެ ވިއުގަ އަޕްގްރޭޑް ކުރުމުގެ މަސައްކަތެއް މާދަމާ ކުރަން ތާވަލުކޮށްފައިވާ ކަމަށެވެ.
އެހެންވެ މާދަމާ ކަރަންޓު ކެނޑިދާނެ ކަމަށް ބެލެވޭ ތަންތަނުގެ ގޮތުގައި ސްޓެލްކޯއިން ފާހަގަކޮށްފައިވަނީ ލިލީމަގާއި ޗާންދަނީ މަގުގެ އިތުރުން ދަރުމަވަންތަ މަގު ހިމެނޭ ސަރަޙައްދުންނެވެ. ކަރަންޓު ކެނޑޭނީ މާދަމާ މެންދުރުފަހު 2:00 އާއި 3:00 އާ ދެމެދުގެ ވަގުތުތަކެއްގަ އެވެ.
"ދިމާވެދާނެ ދަތިތަކަށް މަޢާފަށް އެދެން" ސްޓެލްކޯއިން އިތުރަށް ބުނެފައި ވެއެވެ.
ކަރަންޓް އަޕްގްރޭޑިންގެ މަސައްކަތްތައް ދޭތެރެ ދޭތެރެއިން ސްްޓެލްކޯއިން ދަނީ ކުރަމުން ނެވެ. އަދި އެ މަސައްކަތްތައް ކުރިއަށްދާ އިރު ކަރަންޓުގެ ހިދުމަތް ކެނޑިދާނެތީ އެކަން ދުރާލައި ސްޓެލްކޯއިން އަބަދުވެސް އަންގަ އެވެ.
