ރޯދަ މަހާ ދިމާކޮށް ވެމްކޯއިން ކުނި ނަގައިދޭ ގަޑިތަކަށް ބަދަލެއް

މި ފެށޭ ރޯދަ މަހާ ދިމާކޮށް ވެމްކޯއިން ކުނި ނަގައިދޭ ގަޑިތަކަށް ބަދަލު ގެނެސްފި އެވެ.

Ads by STELCO

ވެމްކޯއިން އާންމުކޮށް ކުނި ނަގައިދެނީ އިރުއޮއްސި ހަޔަކުން ރޭގަނޑު 12:30 އަށެވެ.

ނަމަވެސް ވެމްކޯއިން މިރޭ އެކްސްގައި ކުރި ޕޯސްޓެއްގައި ބުނީ ރޯދަ މަހަށް ތައްޔާރު ވުމުގެ ގޮތުން މިއަދުން ފެށިގެން އަންނަ އޭޕްރީލް ހަތަކާ ހަމައަށް ކުނި ނަގައިދޭނީ ރޭގަނޑު 08:30 އިން ފެށިގެން ކަމަށެވެ. އެއީ މިއަދުން ފެށިގެން ޝަހުބާން މަހުގެ ހަ ރޯދަ ދުވަސް ވެސް ނިމެންދެނެވެ.

ކުނި ނަގައިދޭ ވަގުތު ނިންމާ ގަޑިއެއް އޭގައި ނެތެވެ. ވެމްކޯގެ އޮފިޝަލަކު ވިދާޅުވީ އެ މުއްދަތުގައި ދަންވަރު 2:30 ވަން ދެން ކުނި ނަގައިދޭނެ ކަމަށެވެ.

ރޯދަ މަހާ ދިމާކޮށް ވެމްކޯއިން މިހާރު ދަނީ މާލެ ސާފުކުރުމުގެ ހަރަކާތެއް ވެސް ކުރިއަށް ގެންދަމުން ނެވެ.