ޑައިވިނަށް ފޭބި ޓޫރިސްޓަކު ދޯންޏެއްގެ ބުރަފަތީގައި ޖެހި މަރުވެއްޖެ

ވ. އަތޮޅުގައި ހިންގާ ރިސޯޓަކުން ޑައިވިނަށް ގޮސް އުޅުނު ފަތުރުވެރިއަކު ޑައިވިން ދޯނީގެ ބުރަފަތީގައި ޖެހި މަރުވެއްޖެ އެވެ.

Ads by MPL

މީޑިއާތަކަށް މިއަދު ފޮނުވި މެސެޖެއްގައި ފުލުހުން ބުނީ އެ ހާދިސާގައި މަރުވީ ރިސޯޓަށް ޗުއްޓީ ހޭދަކުރަން ގޮސް އުޅުނު އިޓަލީގެ ފަތުރުވެރިއެއް ކަމަށެވެ. އެއީ އުމުރުން 65 ފިރެހެނެއް ކަމަށް ފުލުހުން ބުންޏެވެ.

ފުލުހުން ބުނީ ޑައިވިނަށް ގޮސް އުޅެނިކޮށް، ޑައިވިން ދޯނީގެ ބުރަފަތީގައި ޖެހި އެ މީހާ މަރުވެފައި ވަނީ މިދިޔަ ބުރާސްފަތި ދުވަހުގެ ހެނދުނު 11:00 ހާއިރު ކަމަށެވެ.

މައްސަލަ އެ އިދާރާއަށް ރިޕޯޓުކޮށްފައިވާއިރު، ފުލުހުން ގެންދަނީ އެ މައްސަލަ ތަހުގީގު ކުރަމުންނެވެ.