Tuesday, 17 November 2026
Advertisement
Ooredoo — Airfibre (leaderboard)
ވިޔަފާރި

އެމްޑަބްލިއުއެސްސީ އެޕުން ބިލަށް ފައިސާ ދައްކައިގެން އުމުރާ ދަތުރެއް ހޯދުމުގެ ފުރުސަތު

އެމްޑަބްލިއުއެސްސީ އެޕުން ބިލަށް ފައިސާ ދައްކައިގެން އުމުރާ ދަތުރެއް ހޯދުމުގެ ފުރުސަތު
މި އަހަރަކީ އެމްޑަބްލިއުއެސްސީއަށް 30 އަހަރު ފުރޭ އަހަރު ކަމަށް ވުމާއި އެ މުނާސަބަތާއި ރޯދަ މަހާ ގުޅުވައިގެން، އެ ކުންފުނީގެ އެޕްލިކޭޝަން މެދުވެރިކޮށް ބިލު ދައްކާ ކަސްޓަމަރުންގެ ތެރެއިން ނަސީބުވެރި ތިން ކަސްޓަމަރަކަށް އުމްރާ ދަތުރެއް ލިބޭ ޕްރޮމޯޝަނެއް ފަށައިފި އެވެ. "އެކުވެރި ރޯދަ 30" ގެ ނަމުގައި ހިންގާ އެ ޕްރޮމޯޝަންގެ މަގުސަދަކީ ރޯދަ މަހާ ގުޅުވައިގެން އެ ކުންފުނީގެ ކަސްޓަމަރުންނަށް ފަހި ފުރުސަތެއް ތަނަވަސްކޮށްދިނުމާއެކު ވީހާވެސް ގިނަ ކަސްޓަމަރުން އެމްޑަބްލިއުއެސްސީގެ އެޕްލިކޭޝަނަށް އަހުލުވެރިކޮށް އެ ބޭނުންކުރާ ކަސްޓަމަރުން އިތުރުކުރުމެވެ. ބިލް ދެއްކުމަށް ކައުންޓަރުތަކަށް އައުމުގެ ބަދަލުގައި އެޕް ފަދަ ޒަމާނީ ވަސީލަތްތައް ބޭނުންކުރުމަށް އާންމުންނަށް ބާރު އެޅުމާއި ކައުންޓަރަށް އައުމުގެ ބަދަލުގައި އެޕުން ބިލް ދައްކައިގެން ވަގުތު ސަލާމަތް ކުރުމާއި އެ ކުންފުނީގެ ހިދުމަތްތައް ޑިޖިޓަލައިޒްކޮށް ފަސޭހަކުރުމަކީ ވެސް މަގުސަދެކެވެ. މިއަދުން ފެށިގެން މި މަހުގެ ނިޔަލަށް ހިނގާ މި ޕްރޮމޯޝަންގައި ބައިވެރިވެވޭނީ:
  • އެމްޑަބްލިއުއެސްސީގެ ޑޮމެސްޓިކް ކަސްޓަމަރުން
  • ޕްރޮމޯޝަންގެ މުއްދަތުގެ ތެރޭގައި އެމްޑަބްލިއުއެސްސީގެ އެޕް މެދުވެރިކޮށް ބިލަށް ފައިސާ ދައްކާ ކަސްޓަމަރުން
  • ޕްރޮމޯޝަންގެ މުއްދަތު ހަމަވާ އިރު ފައިސާ ދެއްކުމުގެ މުއްދަތު ހަމަވެފައިވާ ފެން ބިލެއް އަދި ނުވަތަ އަދަދެއް ނުދައްކައި ނެތް ކަސްޓަމަރުން
ޕްރޮމޯޝަންގެ ދަށުން ގުރުއަތުން ހޮވޭ ނަސީބުވެރި ތިން މީހުން އިއުލާންކުރާ ތާރީހުން ފެށިގެން އެއް އަހަރުގެ ތެރޭގައި އުމްރާ ދަތުރުގެ ބޭނުންކުރަން ވާނެ އެވެ. އުމްރާ ދަތުރު ލިބުނު ފަރާތަށް އެ ދަތުރު ބޭނުން ނުކުރެވޭނަމަ އެހެން މީހަކަށް ބަދަލު ކުރުމުގެ ފުރުސަތު ދެވިގެންދާނެ ކަމަށް އެމްޑަބްލިއުއެސްސީން ބުންޏެވެ. ގުރުއަތުން ހޮވުނު ފަރާތްތައް ރަސްމީކޮށް އެމްޑަބްލިއުއެސްސީގެ ސޯޝަލް މީޑިއާ، ވެބްސައިޓް މެދުވެރިކޮށް އިއުލާންކުރާނެ އެވެ. ގުރުއަތު ނަގަން ހަމަޖެހިފައިވާ ތާރީހު ފަހުން އިއުލާން ކުރާނެ އެވެ.

ރިއެކްޝަން

Advertisement
HDC — Sidebar (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.