Tuesday, 17 November 2026
Advertisement
STO — McCoy (leaderboard)
ސަރުކާރު

ސިންގަޕޫރުގައި ތިބި ދިވެހިންނާ ރައީސް ބައްދަލުކުރައްވައިފި

ސިންގަޕޫރުގައި ތިބި ދިވެހިންނާ ރައީސް ބައްދަލުކުރައްވައިފި

ސިންގަޕޫރުގައި ތިބި ދިވެހިންނާ ރައީސް ޑރ. މުހައްމަދު މުއިއްޒު އާއި އެމަނިކުފާނުގެ އަނބިކަނބަލުން ސާޖިދާ މުހައްމަދު ބައްދަލުކުރައްވައިފި އެވެ.

ސިންގަޕޫރުގެ ރައީސް ތަރްމަން ޝަންމުގަރަނަމްގެ ދައުވަތަކަށް ކުރައްވާ ފުރަމާނަ ދަތުރުފުޅެއްގައި އެ ގައުމަށް ރައީސް ވަޑައިގެންފައި ވަނީ މިދިޔަ އާދިއްތަ ދުވަހު އެވެ.

ރައީސް އޮފީހުން ބުނީ ދަތުރުފުޅުގެ ތެރެއިން ރައީސްގެ ދެކަނބަލުން ސިންގަޕޫރުގައި ތިބި ދިވެހިންނާ އިއްޔެ ބައްދަލުކުރައްވާފައިވާ ކަމަށެވެ.

Advertisement
Ooredoo — Square (box)

ބައްދަލުކުރެއްވުމުގައި ދިވެހިންނާ އެކު ވަގުތުކޮޅެއް ހޭދަކުރައްވައި، އެ ފަރާތްތަކުގެ ހާލުއަހުވާލު ބައްލަވައިލައްވާފައިވާ ކަމަށް އެ އޮފީހުން ބުންޏެވެ. އަދި އެ ފަރާތްތަކުގެ ކަންބޮޑުވުންތައް އަޑުއައްސަވާފައިވާ ކަމުގައި ފާހަގަކުރި އެވެ.

ރައީސް އޮފީހުން ބުނި ގޮތުގައި ބައްދަލުކުރެއްވުމުގެ ބައިވެރިންނަށް ރައީސްގެ ދެކަނބަލުން ފަރިއްކޮޅެއް ދެއްވި ކަމުގަ އެވެ.

https://twitter.com/presidencymv/status/1940055490060537939

ރައީސްގެ ދަތުރުފުޅުގައި ސިންގަޕޫރުގެ ރައީސް ތަރްމަން ޝަންމުގަރަނަމް އަދި ބޮޑުވަޒީރު ލޯރެންސް ވޮންގް އާ ވަނީ ބައްދަލުކުރައްވާފަ އެވެ.

މި އަހަރަކީ ރާއްޖެ އާއި ސިންގަޕޫރާ ދެމެދު ސިޔާސީ ގުޅުން ގާއިމުކުރިތާ 50 އަހަރު ފުރޭ އަހަރެވެ. ދެ ގައުމުގެ ދެމެދު ސިޔާސީ ގުޅުން ގާއިމުކޮށްފައި ވަނީ 1975 ވަނަ އަހަރުގެ ފެބްރުއަރީ މަހުގެ 20 ވަނަ ދުވަހު އެވެ.

ރިއެކްޝަން

Advertisement
Ooredoo — Truecaller (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.