ސީޒަންގެ ޓިކްޓޮކް އެކައުންޓު "ވެރިފައި" ވެއްޖެ!
ދިވެހި ފިލްމީ އެކްޓަރ/ޑައިރެކްޓަރ އަލީ ސީޒަން ގެ ޓިކްޓޮކް އެކައުންޓު "ވެރިފައި" ވެއްޖެއެވެ.
މިއީ ރާއްޖޭގައި ޓިކްޓޮކް އައިޑީއެއް ވެރިފައިވި ފުރަތަމަ ފަހަރެވެ.
ސީޒަން ގެ ޓިކްޓޮކް އެކައުންޓު ވެރިފައީ ވެއްޖެކަން ހާމަކުރަމުން އޭނާ ކުރި ޓްވީޓެއްގައި ބުނެފައި ވަނީ އެންމެފަހުން ރާއްޖެއަށް ވެސް ޓިކްޓޮކް އައިސްފި ކަމަށާއި އެންމެ ފަހުގެ ޓްރެންޑުތައް ދެނެގަތުމަށް "ޓިކްޓޮކްއޮފިޝަލް މޯލްޑިވްސް" ފޮލޯ ކުރުމަށެވެ. ނަަމަވެސް ސީޒަން ބުނެފައި އެވާ ޓިކްޓޮކް އެކައުންޓު ޓްވިޓަރ އިންވެސް އަދި ޓިކްޓޮކް އަކުންވެސް ފެނިފައެއް ނުވެއެވެ. ނަމަވެސް ހަމަޔަގީނުން ވެސް ސީޒަން ގެ ޓިކްޓޮކް އައިޑީ އޮތީ ވެރިފައި ވެފައެވެ.
ފިލްމު އިންޑަސްޓްރީގައި 20 އަހަރަށްވުރެ ގިނަ ދުވަސް ހޭދަ ކޮށްފައިވާ ސީޒަން ވަނީ ގިނަ ފިލްމުތަކަކާއި ލަވަތަކެއް ކުޅެފައެވެ. އޭނާ މިހާރު ކުރަމުން ދަނީ ފިލްމު "ލޯބިވެވިއްޖެ" ގެ މަސައްކަތެވެ.
