އަމިއްލަ ކުންފުނިތަކަށް 206 މަޝްރޫއު ؛ އަގު 2.7 ބިލިއަން ރުފިޔާއަށް ވުރެ މަތި
ސަރުކާރުން ޕީއެސްއައިޕީ މަޝްރޫއުގެ ގޮތުގައި ހިންގާ 2.7 ބިލިއަން ރުފިޔާގެ މަޝްރޫއު އަމިއްލަ ކުންފުނިތަކަށް ހަވާލުކޮށްފިއެވެ.
ބާސެލާސް ނަސަންދުރަ ހޮޓެލްގައި މިއަދު އޮތް ރަސްމިއްޔާތުގައި ރައީސް ޑރ. މުހައްމަދު މުއިއްޒު ވެސް ބައިވެރިވަޑައިގަތެވެ. މި މަޝްރޫއުތައް ހަވާލުކޮށްފައި ވަނީ އަމިއްލަ 53 ކުންފުންޏަކަށެވެ. ޖުމްލަ ހަވާލުކުރި މަޝްރޫއުތަކުގެ އަގު 206އަށް އަރައެވެ. މި އެއްބަސްވުންތަކުގައި ސޮއިކުރީ މި މަޝްރޫއުތައް ނިސްބަތްވާ މިނިސްޓްރީތަކުގެ ވެރިންނެވެ.
މަޝްރޫއު ލިސްޓް
ފިޝަރިޒް - ދެ މަޝްރޫއު
އިސްލާމިކް އެފެއާސް - 14 މަޝްރޫއު
ޓޫރިޒަން އެންޑްް އެންވަޔަރުމަންޓް - 24 މަޝްރޫއު
ހޯމްލޭންޑް ސެކިއުޓީ - 39 މަޝްރޫއު
އެޑިއުކޭޝަން - 26 މަޝްރޫއު
ހެލްތް - 26 މަޝްރޫއު
ހަޔާ އެޑިއުކޭޝަން ލޭބަ އެންޑް ސްކިލްސް - ފަސް މަޝްރޫއު
ކޮންސްޓްރަކްޝަން މިނިސްޓްރީ - 13 މަަޝްރޫއު
ޔޫތު އެންވަޔަރުމަންޓް އެންޑް އާޓްސް - އެއް މަޝްރޫއު
ސްޕޯޓްސް އެންޑް ފިޓްނަސް - 52 މަަޝްރޫއު
ސަރުކާރުން އަމިއްލަ ފަރާތްތަކަށް މިއަދު ހަވާލުކުރި މަޝްރޫއުތަކުގެ ތެރޭން އެންމެ ގިނަ މަޝްރޫއު ހަވާލުކޮށްފައިވާ ސްޕޯޓްސް އެންޑް ފިޓްނަސް މިނިސްޓްރީއާ ގުޅުން ހުރި ދާއިރާއިން 52 މަޝްރޫއު ހަވާލުކޮށްފައި ވެއެވެ.
