Tuesday, 17 November 2026
Advertisement
HDC — Share-Below (leaderboard)
ސަރުކާރު

"އަމިއްލަ ކުންފުނިތަކާ ހަވާލުކުރާ މަޝްރޫއުތަކަށް ފައިސާ ދޭނީ ހަރުދަނާ މިންގަނޑެއްގެ ތެރެއިން"

"އަމިއްލަ ކުންފުނިތަކާ ހަވާލުކުރާ މަޝްރޫއުތަކަށް ފައިސާ ދޭނީ ހަރުދަނާ މިންގަނޑެއްގެ ތެރެއިން"

ސަރުކާރުން އަމިއްލަ ކުންފުނިތަކާ ހަވާލުކުރާ މަޝްރޫއުތަކަށް ފައިސާ ދޭނީ އެ ކަމަށް ޓަކައި ތައްޔާރު ކުރެވިފައިވާ ހާއްސަ ހަރުދަނާ މިންގަނޑެއްގެ ތެރެއިން ކަމަށް ފިނޭންސް މިނިސްޓަރު މޫސާ ޒަމީރު ވިދާޅުވެއްޖެ އެވެ.

ޒަމީރު މިހެން ވިދާޅުވީ މިއަދު 206 މަޝްރޫއެއް އަމިއްލަ 53 ކުންފުންޏަކާ ހަވާލުކުރުމަށް ބޭއްވި ރަސްމިއްޔާތުގައި ވާހަކަ ދައްކަވަމުންނެވެ. އޭނާ ވިދާޅުވީ މި މަޝްރޫއުތައް ދިވެހި ކުންފުނިތަކާ ހަވާލުކޮށްފައި ވަނީ ކޮންޓްރެކްޓާ ފައިނޭންސް އުސޫލުން ކަމަށެވެ.

އޭގެ ސަބަބުން ބޭންކުތަކުން ފައިނޭސިން ލިބި، ދައުލަތުގެ ބަޖެޓަށް ބަރޯސާ ނުވެ، އަވަސް މިނެއްގައި މަޝްރޫއުތައް ކުރިއަށް ގެންދެވޭނެ ކަމަށް ޒަމީރު ވިދާޅުވިއެވެ.

Advertisement
HDC — Sidebar (box)

"މީގެ ސަބަބުން ދިވެހި ގިނަ ވިޔަފާރިތަކަށް މާލީ މަންފާ ލިބި، ޒުވާން އަދި ތަޖުރިބާކާރު ޓެކްނިކަލް މަސައްކަތްތެރި ޖީލެއް ބިނާކުރުމަށް ވަރުގަދަ ބިންގަލެއް އެޅިގެންދާނެ،" މިނިސްޓަރު ވިދާޅުވި އެވެ.

ޒަމީރުގެ ވާހަކަފުޅުގައި، މި މަޝްރޫއުތަކުގެ ތެރެއިން ސަރުކާރުން ހާސިލްކުރަން ބޭނުންވާ ބައެއް ކަންކަން ވިދާޅުވެދެއްވިއެވެ. އޭގެ ތެރޭގައި ފައިސާ ދޫކުރުމުގައި ސްޓޭންޑަޑައިޒް ނިޒާމެއް ގާއިމްކޮށް، ސަރުކާރު މުއައްސަސާތަކުން މަޝްރޫއުތަކުގެ ހިންގުން ވަޒަން ކުރާނެ ކަމަށް ވިދާޅުވިއެވެ. އަދި މަޝްރޫއުތަކުގެ ދެމެހެއްޓެނިވިކަމަށް އިސްކަން ދޭނެކަމަށް ވެސް ވިދާޅުވިއެވެ.

އިތުރަށް ވިދާޅުވީ، މި މަޝްރޫއުތައް ކުދި އަދި މެދުފަންތީގެ ކުންފުނިތަކާ ހަވާލުކުރުމުގެ މައިގަނޑު މުގާބިލަކީ ދިވެހި ބޭންކިން ސެކްޓަރަށް ވެސް ދިވެހި ވިޔަފާރިތަކާ މިހާރަށް ވުރެ ރައްޓެހި، ފަހި ދާއިރާއަކަށް ހެދުން ކަމަށެވެ.

"މަޝްރޫއު ހިންގުމާއި ހަވާލުވާ ދިވެހި ވިޔަފާރިތަކަށް ބަރާބަރަށް ފައިސާ ލިބޭނެ. މި އެއްބަސްވުންތައް ހިމެނޭނީ އާންމު އިންވެސްޓްމެންޓް ފްރޭމްވޯކުގެ ތެރޭގައި މޮނިޓަރިން އިންތިޒާމު ހިމެނޭހެން. އެހެން ކަމުން ބޭންކުތަކަށް ވެސް ފައިދާ ލިބި، އިތުރު މަޝްރޫއުތަކަށް ފައިސާ ފޯރުކޮށްދޭން މަގުފަހިވެގެންދާނެ،" ޒަމީރު ވިދާޅުވި އެވެ.

މިއަދު އަމިއްލަ ކުންފުނިތަކާ ހަވާލުކުރި މި މަޝްރޫއުތަކުގެ އަގު 2.7 ބިލިއަން ރުފިޔާއަށް ވުރެ މައްޗެވެ.

ރިއެކްޝަން

Advertisement
Ooredoo — Truecaller (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.