ނަރަކައިގެ އަލިފާން ނުބީހޭނެ ލޮލެއް!

ނަރަކައިގެ އަލިފާން ނުބީހޭނެ ލޯތަކަކީ ކޮބައިތޯއެވެ. އެ ލޯތަކަކީ ﷲ ސުބުޙާނަހޫ ވަތަޢާލާއަށް ބިރުވެތިވެ، އެކަލާނގެ ޢަޒާބަށް ބިރުވެތިވެ ކަރުނަ އޮއްސާލެވޭ ލޮލެވެ. އެފަދަ ލޮލެއްގައި ނަރަކައިގެ ޢަޒާބު ނުބީއްސަވާނެ ކަމަށް ﷲ ސުބުޙާނަހޫ ވަތަޢާލާ ވަނީ ވަޢުދުވެ ވޮޑިގަންނަވައިފައެވެ.
އަޅުގަނޑުމެންގެ ނަފްސުތައް ފާފައަށް ހުށަހެޅިގެން އެކަމަށް ބިރުވެތިވެ، ﷲ ސުބުޙާނަހޫ ވަތަޢާލާގެ ޢަޒާބަށް ބިރުވެތިވެ، އެކަލާނގެ ހަޟްރަތުން ފުއްސެވުން އެދި، ލޮލުން ކަރުނަ ފާއްދައިލީ ކޮންއިރަކުތޯ، ކޮންވަގުތެއްގައިތޯ ވިސްނައިލައްވާށެވެ.
ކީރިތި މާތް ނަބިއްޔާގެ ފަރާތްޕުޅުން، އަބޫހުރައިރާ ރަޟިޔަﷲ ރިވާ ކުރައްވައިފައިވާ ޙަދީޘްއެއްގައި ވެއެވެ. <strong>"ޤިޔާމަތް ދުވަހުން ، އަރުޝީގެ ހިޔާވަހިކަން ފިޔަވައި އެހެން ހިޔާވަހިކަމެއް ނުވާ ދުވަހުގައި، ﷲ ސުބުޙާނަހޫ ވަތަޢާލާގެ އަރުޝިކޮޅުގެ ހިޔާވަހިކަން ލިބޭ 7 ބާވަތުގެ މީހުންގެ ތެރެއިން އެއް ބާވަތުގެ މީހުންނަކީ، އެ މީހަކު އެކަނިމާއެކަނި ތަނެއްގައި އިނދެ ﷲ ސުބުޙާނަހޫ ވަތަޢާލާއަށް ޒިކުރުކޮށް، އޭނާގެ ލޮލުން ކަރުނަ އޮއްސާލެވޭ މީހާއެވެ."</strong>
އެހެންކަމުން ފާފަތަކާ ދުރުވެ ﷲގެ ޢަޒާބަށް ބިރުވެރިވާ ބައެއްކަމުގައި ވަމާހެއްޔެވެ. މަރާއި ކަށްވަޅާއި ޤިޔާމަތް ދުވަހުގެ ބިރުވެރިކަމާ މެދު ވިސްނައި ލޮލުން ކަރުނަ އޮހޮރާށެވެ.ޢަރުޝީގެ ހިޔަލުން ހިޔާ ލިބޭތީ މަސައްކަތްކުރާށެވެ.
<strong>އައްޝައިޚް އަބްދުއްސަލާމްގެ ދަރުހަކުން.....</strong>






ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.