Sunday, 15 November 2026
Advertisement
STO — McCoy (leaderboard)
ދުނިޔެ

ހޮންގކޮންގު އަލިފާނުގެ ޙާދިސާ: މަރުވި މީހުންގެ ޢަދަދު 128އަށް އަރައިފި

ހޮންގކޮންގު އަލިފާނުގެ ޙާދިސާ: މަރުވި މީހުންގެ ޢަދަދު 128އަށް އަރައިފި

ހޮންގ ކޮންގްގެ ޓައި ޕޯގައި ހުންނަ ވަންގް ފުކް ޓަވަރުތަކުގައި މިދިޔަ ބުދަ ދުވަހު ހިނގި އަލިފާނުގެ ޙާދިސާގައި މަރުވި މީހުންގެ ޢަދަދު 128އަށް އަރައިފިއެވެ.

މީހުން ސަލާމަތްކުރުމުގެ ތިންވަނަ ދުވަސް ގުނަމުންދާއިރު ސީރިއަސް އަނިޔާ ލިބުނު މީހުންގެ އަދަދު ވަނީ 76އަށް އަރައިފައެވެ. އޭގެ ތެރޭގައި މީހުން ސަލާމަތްކުރުމުގައި ޙަރަކާތްތެރިވާ 11 ފަޔަރފައިޓަރުން ވެސް ހިމެނެއެވެ.

އަލިފާނުގެ ހާދިސާ ހިނގި މި އިމާރާތްތަކަކީ 32 ފަންގިފިލާއަށް ހުންނަ އިމާރާތްތަކެކެވެ. އެ 8 އިމާރާތުގައި ހުންނަ 1984 އެޕާޓްމަންޓްގައި 4600 މީހުން ދިރިއުޅޭކަމަށް 2021ވަނަ އަހަރުގެ އެ ގައުމުގެ ބޯހިމެނުމުން ދައްކައެވެ. އަދި އެ އާބާދީގެ 40 އިންސައްތައަކީ 65އަހަރުން މަތީގެ މީހުންނެވެ.

Advertisement
Allied — Dhen Online (box)

ހޮންގްކޮންގްގެ ފަހުގެ ތާރީޚެއްގައި ހިނގި އެންމެ ހިތާމަވެރި އަލިފާނުގެ ހާދިސާގައި އަދިވެސް ނުހޯދޭ 200އަށް ވުރެ ގިނަ މީހުން ތިބިކަމަށް ވެއެވެ.

1983ވަނަ އަހަރު ބިނާކުރި މި އިމާރާތްތަކުގައި އަލިފާން ހިފައި ފެތުރެން ފެށިއިރު ފަޔަރ އެލަރމް ސިސްޓަމް މަސައްކަތް ނުކުރާކަމަށް ޚަބަރުތައް ބުނެއެވެ.

މި އަލިފާނުގެ ޙާދިސާއާ ގުޅިގެން ހޮންގކޮންގް ފުލުހުން ވަނީ މިހާތަނަށް 11 މީހަކު ހައްޔަރުކޮށްފައެވެ. އޭގެ ތެރޭގައި ޓަވަރުތައް މަރާމާތުކުރުމުގެ މަސައްކަތް ކުރަމުންދާ ކުންފުނިކަމަށްވާ، ޕްރެސްޓީޖް ކޮންސްޓްރަކްޝަންގެ ދެ ޑިރެކްޓަރުންނާއި އިންޖިނިއަރިންގ ކޮންސަލްޓަންޓެއް ހިމެނެއެވެ. ހަމައެހެންމެ ކޮރަޕްޝަންގެ ތުހުމަތުގައި 8 މީހަކު ހައްޔަރުކޮށްފައިވާ ކަމަށް އެ ގައުމުގެ ފުލުހުންނާ ހަވާލާދީ މީޑިއާތައް ބުނެއެވެ.

https://dhen.mv/297758

މި ހާދިސާގައި ސަލާމަތް ކުރެވުނު މީހުންނަށް ޞިއްޙީ އެހީތެރިކަން ފޯރުކޮށްދީ ވަގުތީ ބޯހިޔާވަހިކަމަށް ދަނީ ބަދަލުކުރަމުންނެވެ. އެ ގައުމުގެ ލީޑަރު ޖޯން ލީ ވަނީ މި ހާދިސާގައި ގެއްލުން ލިބުނު ފަރާތްތަކަށް 38.5 މިލިއަން އެމެރިކާ ޑޮލަރުގެ ފަންޑެއް ކަނޑައަޅައިފައެވެ.

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.