ސުޕަ ސަންޑޭ ؛ ރާއްޖެއާ ދިމާލަށް ގިނަ ބޯޓުތަކެއް
ރާއްޖޭގެ ޓޫރިޒަމް އެންމެ ޕީކަށް އަންނައިރު، މި އަދަކީ އެއާޕޯޓް ބިޒީ ދުވަހަކަށްވާނެއެވެ. އެކަން އެނގެނީ, ސުޕަ ސަންޑޭ ގައި ރާއްޖޭގައި ޖައްސަން އަންނަ ފްލައިޓްތައް ވަނީ ކިޔޫ ދަމާލާފައެވެ.
ފްލައިޓް ރާޑާއިން ފެންނަ ގޮތުގައި ރާއްޖެއަށް ޖައްސަން ކިޔޫ ހަދާލާފައި ވަނީ ދުނިޔޭގެ އެންމެ މަޝްހޫރު އެއަރލައިންތަކުގެ ފްލައިޓްތަކެވެ.
ޓޫރިޒަމްގެ ޑިމާންޑްތައް މަތިވަމުންދާއިރު، އެމްއޭސީއެލުން ދަނީ އެއަރލައިންތައް ޓާމިނަލް ވަންއަށް ބަދަލު ކުރަމުންނެވެ. އެންމެފަހުން، ޓާމިނަލް ވަންއަށް ބަދަލުވި އެއަރލައިންއަކީ އެއާ ފްރާންސްނެވެ. ޓާމިނަލް ވަންއަށް ކައިރި ކުރި އެއަރ ފްރާންސްގެ ފުރަތަމަ ފްލައިޓް, AF268 އިން ރާއްޖެ އައި 332 ފަސިންޖަރުންނަށް ވަނީ ސަގާފީ ހަރަކާތްތަކާ އެކު ހޫނު މަރުހަބާއެއް ކިޔައިފައެވެ.
މީގެ އިތުރުން، އެއާ ފްރާންސަކީ ޓާމިނަލް ވަންއިން ހިދުމަތް ދޭން ފެށި ފްރާންސްގެ ފުރަތަމަ އެއަރލައިނެވެ. އެ އެއަރލައިނުން ރާއްޖެއަށް ދަތުރުތައް ފެށީ 2 ނޮވެންބަރު 2017ގައިއެވެ. އެއަރ ފްރާންސްގެ އިތުރުން ޓާމިނަލް ވަންއިން މިހާރު ދަނީ 34 އެއާލައިނަކަށް ހިދުމަތް ދެމުންނެވެ.
