ބަންގި މުބާރާތް އަތޮޅުތަކަށް ފުޅާކޮށްފި

އިސްލާމިކް މިނިސްޓްރީން ބާއްވަމުން އަންނަ ބަންގި ގޮވުމުގެ މުބާރާތް، "ނޫރުލްއަޛާން" މި އަހަރު އަތޮޅުތަކަށް ފުޅާކޮށްފިއެވެ.

Ads by STELCO

އެ މިނިސްޓްރީން ވަނީ މި އަހަރު ކޮންމެ އަތޮޅެއް ތަމްސީލްކުރާ ގޮތަށް ހަމަޖައްސައި މުބާރާތުގައި ބައިވެރިވާން ބޭނުންވާ ބައިވެރީންގެ ނަންތައް ފޮނުވަން އެދިފައެވެ. އެހެންކަމުން މިއަހަރުގެ މުބާރާތުގައި 19އަތޮޅުން 19 ބައިވެރީން ތަމްސީލްކުރާނެއެވެ.

އިސްލާމިކް މިނިސްޓްރީން ވަނީ އަތޮޅު އޮޑިޝަންގައި ބައިވެރިވާން ބޭނުންވާ މީހުންގެ މައުލޫމާތު މިމަހުގެ 15ވަނަ ދުވަހުގެ ކުރީން ފޮނުވައިދޭން އެދިފައެވެ. އަދި މި މުބާރާތުގައި ބައިވެރިވެވޭނީ 15 އަހަރާއި 20 އަހަރާ ދެމެދުގެ އުމުރުފުރާގެ ފިރިހެން ބައިވެރީންނަށް ކަމަށް ވެސް އިސްލާމިކް މިނިސްޓްރީން ބުނެފައި ވެއެވެ.