ޑިސެމްބަރު މަހު ޑޮލަރު އާމްދަނީއަށް ބޮޑު ކުރިއެރުމެއް

މިދިޔަ އަހަރުގެ ފަހު މަހު އެކަނި ދައުލަތަށް 157 މިލިއަން އެމެރިކާ ޑޮލަރު ލިބި ކުރީ އަހަރުގެ ޑިސެމްބަރު މަހާ އަޅާބަލާއިރު 30.7 އިންސައްތައިގެ ބޮޑު ކުރިއެރުމެއް ލިބިއްޖެއެވެ.

Ads by STELCO

މޯލްޑިވްސް އިންލެންޑް ރެވެނިއު އޮތޯރިޓީ (މީރާ) ގެ ތަފާސް ހިސާބުތައް ދައްކާ ގޮތުން މިދިޔަ އަހަރުގެ ޑިސެމްބަރު މަހު ޑޮލަރުގެ އާމްދަނީގެ ގޮތުގައި 157 މިލިއަން ޑޮލަރު 108 މިލިއަން ޑޮލަރު ލިބިފައިވެއެވެ.

މިދިޔަ އަހަރު ޑޮލަރުގެ އާމްދަނީ ރަނގަޅުވުމުގައި އެންމެ މުހިންމު ދައުރެއް އަދާކުރަނީ ޖެނުއަރީ 2025 އިން ފެށިގެން ގްރީން ޓެކްސް ނަގާ ރޭޓު ވަނީ ބޮޑުކޮށްފައެވެ. މީގެ ސަބަބުން ފަތުރުވެރިކަމުގެ ދާއިރާއިން ޑޮލަރުން ލިބޭ އާމްދަނީއަށް ބޮޑު ކުރިއެރުމެއް ލިބުނެވެ. މީގެ އިތުރުން ފަތުރުވެރިން އައި އަދަދު އިތުރުވުން ވެސް ހިމެނެ އެވެ. އެގޮތުން 2025ވަނަ އަހަރުގެ ތެރޭގައި ރާއްޖެއަށް އައި ފަތުރުވެރިންގެ އަދަދު ވަނީ ކުރީ އަހަރަށް ވުރެ އިތުރުވެފައެވެ. ހާއްސަކޮށް ނޮވެމްބަރު މަހު ފަތުރުވެރިން އައި އަދަދު 12.8% އިތުރުވުމަކީ ޑިސެމްބަރު މަހުގެ އާމްދަނީ މަތިވި މައިގަނޑު ސަބަބެވެ.

މިދިޔަ އަހަރުގެ ޑިސެމްބަރު މަހު އާމްދަނީ އިތުރުވުމުގެ އަނެއް ސަބަބަކީ ނޮން-ޓޫރިޒަމް އާމްދަނީ އިތުރުވުމެވެ. ބިން ކުއްޔަށް ދިނުމާއި، ލޭންޑް އެކިއުޒިޝަން ފީގެ ގޮތުގައި ލިބުނު ޑޮލަރުގެ އާމްދަނީ ވެސް ވަނީ އަންދާޒާ ކުރިވަރަށް ވުރެ މަތިވެފައެވެ.

ޑިސެމްބަރު މަހު އާމްދަނީ

ޓޫރިޒަމް ޖީއެސްޓީ
ޓޫރިޒަމް ލޭންޑް ރެންޓް (ރިސޯޓް ކުލި)
ގްރީން ޓެކްސް
އެއާޕޯޓް ޑިޕާޗާ ޓެކްސް އާއި ފީ

މީރާގެ ތަފާސްހިސާބުތަކުން ދައްކާ ގޮތުގައި މިދިޔަ އަހަރުގެ ޑިސެމްބަރު މަހު ލިބުނު އާމްދަނީއަކީ ކުރިން ލަފާކުރި މިންވަރަށް ވުރެ 17.4 އިންސައްތަ އިތުރު އަދަދެކެވެ. މިއީ މުޅި އަހަރުގެ އިގްތިސާދީ ދުވެލި ހުރިގޮތަށް ބަލާއިރު ބޮޑު އިތުރުވުމެކެވެ.