Tuesday, 17 November 2026
Advertisement
Allied Insurance (leaderboard)
ލޯކަލް ކައުންސިލް އިންތިޚާބު

އަމިއްލަ ކެނޑިޑޭޓަށް ކޯޓުތަކުން ނާކާމިޔާބުވެ ގުރައިދޫ ކައުންސިލްގެ ރައީސްގެ ގޮނޑި ޕީއެންސީއަށް

އަމިއްލަ ކެނޑިޑޭޓަށް ކޯޓުތަކުން ނާކާމިޔާބުވެ ގުރައިދޫ ކައުންސިލްގެ ރައީސްގެ ގޮނޑި ޕީއެންސީއަށް

ކުރިއަށް އޮތް ލޯކަލް ކައުންސިލް އިންތިހާބުގައި ކ. ގުރައިދޫ ކައުންސިލްގެ ރައީސްގެ މަގާމަށް އަމިއްލަ ގޮތުން ކުރިމަތިލި ކެނޑިޑޭޓް ރިނދަލިގެ، އަބްދުލްމަޖީދުއަށް އެ އިންތިހާބުގައި ވާދަކުރުމުގެ ފުރުސަތު ގެއްލި އޭނާއާ ވާދައަށް ނުކުތް ޕީއެންސީ ކެނޑިޑޭޓަށް ގޮނޑި ކަށަވަރުވެއްޖެއެވެ.

އަބްދުލް މަޖީދު އިންތިހާބުގައި ވާދަކުރަން ހުށަހެޅުމުން އޭނާގެ ކެނޑިޑެސީ ބަލައިނުގަތުމަށް އިލެކްޝަންސް ކޮމިޝަންއިން އޮތީ ނިންމައިފައެވެ. އެހެންވެ އެ މައްސަލަ އޭނާ ހައިކޯޓަށާއި އަދި ސުޕްރީމް ކޯޓަށް ވެސް މައްސަލަ ހުށަހެޅިއެވެ.

އެކަމަކު ދެ ކޯޓުން ވެސް އެ މައްސަލައިގައި މަޖީދުއަށް ކުރިމަތިވީ ނާކާމިޔާބީއާއެވެ.

Advertisement
HDC — Sidebar (box)

އެ ހުކުމްކޮށްފައި ވަނިކޮށް އިލެކްޝަންސް ކޮމިޝަންއިން މިއަދު ބުނީ ގުރައިދޫ ކައުންސިލްގެ ރައީސްގެ މަގާމަށް ޝަރުތުހަމަވީ އެ މަގާމަށް ކުރިމަތިލި ޕީއެންސީގެ ކެނޑިޑޭޓް ކ. ގުރައިދޫ އޯޝަންރީޑް، އިބްރާހީމް ޝަލީޒް އެކަނި ކަމަށާއި އެހެންވެ އިންތިހާބަކާއި ނުލައި ޝަލީޒް މަގާމަށް ހޮވިފައިވާ ކަމަށެވެ.

ޝަލީޒްއަކީ މިހާރު ވެސް ގުރައިދޫ ކައުންސިލްގެ ނައިބު ރައީސްއެވެ.

ޝަލީޒްއަށް ގުރައިދޫ ކައުންސިލްގެ ރައީސްގެ ގޮނޑި ކަށަވަރުވުމާ އެކު އިންތިހާބަކާ ނުލައި ޕީއެންސީއަށް މިހާތަނަށް 70 ގޮނޑި ވަނީ ކާމިޔާބުވެފައެވެ.

ލޯކަލް ކައުންސިލް އިންތިހާބާއި އަންހެނުންގެ ތަރައްގީއަށް މަސައްކަތް ކުރާ ކޮމިޓީގެ އިންތިހާބު އޮންނާނީ އަންނަ އޭޕްރީލް މަހުގެ ހަތަރުވަނަ ދުވަހުއެވެ.

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.