މިއަހަރުގެ މިހާތަނަށް 4 ލައްކައަށްވުރެ ގިނަ ފަތުރުވެރިން
މި އަހަރު ފެށިގެން މި ހިނގާ މާރިޗު މަހުގެ ފުރަތަމަ ދުވަހުގެ ނިޔަލަށް ޖުމްލަ 416,143 ފަތުރުވެރިން ރާއްޖެއަށް ޒިޔާރަތްކޮށްފިއެވެ.
ޓޫރިޒަމް މިނިސްޓްރީގެ ހިސާބުތައް ދައްކާ ގޮތުން މިދިޔަ 2024ވަނަ އަހަރާއި 2025ވަނަ އަހަރުގެ މި މުއްދަތާ އަޅާބަލާއިރު ފާހަގަކޮށްލެވޭ ކުރިއެރުމެކެވެ.
އެންމެ ގިނައިން އައި ޓޫރިސްޓުން
ޗައިނާ - 77,529
ރަޝިއާ - 55,034
އިޓަލީ - 47,036
ޔޫކޭ - 44,245
ޖަރުމަނީ - 29,563
މާރިޗު 1ވަނަ ދުވަހުގެ ނިޔަލަށް ރާއްޖޭގައި ފަތުރުވެރިންނަށް ޚިދުމަތް ދިނުމަށް 1,200 އަށްވުރެ ގިނަ ފެސިލިޓީ ދަނީ ހިންގަމުންނެވެ. މީގެ ތެރޭގައި ހިމެނެނީ:
180 ރިސޯޓް (44,891 އެނދު)
880 އަށްވުރެ ގިނަ ގެސްޓްހައުސް
140 އަށްވުރެ ގިނަ ސަފާރީ އުޅަނދު
މިހާރު ރާއްޖެއަށް ދުވާލަކު އެވްރެޖްކޮށް 6,936 ފަތުރުވެރިން އަންނަ އިރު، ފަތުރުވެރިން ރާއްޖޭގައި އެވްރެޖްކޮށް 7.5 ދުވަސް ހޭދަކުރާކަމަށް ތަފާސްހިސާބުތަކުން ދައްކައެވެ.
