ހުޅުމާލެ ފުރަތަމަ ފިޔަވަހީގައި އަލިފާނުގެ ޙާދިސާއެއް ހިނގައިފި

ހުޅުމާލެ ފުރަތަމަ ފިޔަވަހީގައި ހުންނަ "ކްލީން ޕްލޭޓް" ކެފޭ ބަދިގޭގައި އަލިފާނުގެ ޙާދިސާއެއް ހިނގައިފިއެވެ.

ޤައުމީ ދިފާއީ ބާރުން ބުނީ، މި ޙާދިސާގެ މަޢުލޫމާތު ރޭ މެންދަމު 02:20އެހާއިރު ލިބިގެން ހަރަކާތްތެރިވި ކަމަށާއި އަދި 2:34ހާއިރު އަލިފާންގަނޑު ނިއްވާލެވިފައިވާ ކަމަށެވެ.

މި ހާދިސާގައި އަލިފާން ރޯވެފައި ވަނީ ބަދިގޭގެ ގޭސްފުޅީގައެވެ.

މި ހާދިސާގައި ކެފޭގެ ބަދިގޭގެ އެކި ބައިތަކަށް ވަނީ ގެއްލުން ވެފައެވެ. އެއްވެސް މީހަކަށް ގެއްލުން ލިބިފައެއް ނުވެއެވެ.