ރާއްޖެއަށް މަސްތުވާތަކެތި އެތެރެކުރި އިންޑިއާ 2 މީހަކު ހައްޔަރުކޮށްފި

ރާއްޖެއަށް މަސްތުވާތަކެތި އެތެރެކުރި އިންޑިއާ ދެ މީހަކު، ވެލާނާ އިންޓަނޭޝަނަލް އެެއަރޕޯޓުން ހައްޔަރުކޮށްފިއެވެ.

Ads by Allied

ފުލުހުންގެ ޚިދުމަތުން ބުނީ، މި މައްސަލައާ ގުޅިގެން ހައްޔަރުކޮށްފައި ވަނީ ޖައިނަބު ވާޖިދު ޢަލީ، އިންޑިއާ (25އ)، އަދި މުޙައްމަދު ނަވާޒް ދަޔަތަރު، އިންޑިއާ (21އ)ކަމަށެވެ. އަދި މި ދެ މީހުން ވަނީ ކިލޯއަކަށްވުރެ ގިނަ މަސްތުވާތަކެތި އެތެރެކޮށްފައި ކަމަށާއި ފުލުހުންނާ މި މީހުން ހަވާލުކޮށްފައި ވަނީ މޯލްޑިވްސް ކަސްޓަމްސް ސަރވިސްއިން ކަމަށް ވެސް ފުލުހުން މަޢުލޫމާތުދެއެވެ.

މި މައްސަލައިގައި އެ މީހުންގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން، ދެ މީހުން ވެސް ވަނީ 5ދުވަހަށް ބަންދު ކުރުމަށް އަމުރުކޮށްފައި ކަމަށް ފުލުހުން ބުނެއެވެ.

މި މައްސަލަ ފުލުހުންގެ ޑްރަގު އެންފޯސްމަންޓުން ގެންދަނީ އިތުރަށް ތަޙްޤީޤު ކުރަމުންނެވެ.