ވޯޓުލާން ފެށިތާ ދެ ގަޑިއިރު: 14 އިންސައްތަ މީހުން ވޯޓުލައިފި
މިއަދު ރާއްޖޭގައި ކުރިއަށްދާ ތިން އިންތިޚާބެއްގެ ވޯޓުލުން ފެށިތާ ފުރަތަމަ ދެ ގަޑިއިރުތެރޭ ވޯޓުލުމުގެ ޙައްޤު ލިބިގެންވާ މީހުންގެ ތެރެއިން 14 އިންސައްތަ ރައްޔިތުން އެމީހުންގެ ޤައުމީ ވާޖިބު އަދާކޮށްފިކަމަށް އިލެކްޝަންސް ކޮމިޝަން (އީސީ) އިން ހާމަކޮށްފިއެވެ.
އިލެކްޝަންސް ކޮމިޝަނުން އެންމެ ފަހުން ޢާންމުކުރި ތަފާސްހިސާބުތައް ދައްކާގޮތުން، މިއަދު ހެނދުނު 10:00 އާ ހަމައަށް ޖުމްލަ 41،162 މީހަކު ވަނީ ވޯޓު ފޮށިތަކާ ހަމައަށް ގޮސްފައެވެ. މީގެ ތެރޭގައި ގިނައީ ފިރިހެނުންކަން ފާހަގަކުރެވޭއިރު، އެއީ 24،996 ފިރިހެނުންނާއި 16،166 އަންހެނުންނެވެ.
މި ފަހަރުގެ އިންތިޚާބުތަކުގައި ޖުމްލަ 294،876 ރައްޔިތަކަށް ވޯޓުލުމުގެ ޙައްޤު ލިބިދީފައިވާއިރު، މީގެ ތެރޭގައި ހިމެނެނީ 150،370 ފިރިހެނުންނާއި 144،506 އަންހެނުންނެވެ. ހެނދުނުގެ ވަގުތާ ހަމައަށް ލިބިފައިވާ މަޢުލޫމާތަށް ބިނާކޮށް، އަދިވެސް ވޯޓުނުލާ 253،714 މީހުން އެބަތިއްބެވެ. އެހެންކަމުން މިއީ ވޯޓުލެވޭ އާބާދީގެ 86 އިންސައްތައެވެ.
ވޯޓުލުމަށް ކަނޑައެޅިފައިވާ ވަގުތު ހަމަވުމުގެ ކުރިން، ވީހާވެސް އަވަހަކަށް ވޯޓުލާ މަރުކަޒުތަކަށް ހާޒިރުވެ، އެމީހެއްގެ ޤާނޫނީ އަދި ދީމިޤްރާޠީ ޙައްޤު ބޭނުންކުރުމަށް އިލެކްޝަންސް ކޮމިޝަނުން ވަނީ އެންމެހާ ފަރާތްތަކަށް ވަރަށް ބޮޑަށް ބާރުއަޅައި ގޮވާލައްވާފައެވެ.
