ޤައުމުގެ ހަލާކަކީ ނަޝީދު ކަމަށް ވިދާޅުވެ، މެންބަރު ރިފާޢު ވަރުގަދަ ރައްދެއް ދެއްވައިފި
ރާއްޖެއަށް ދިމާވެފައިވާ އެންމެ ބޮޑު ހަލާކަކީ ކުރީގެ ރައީސް މުޙައްމަދު ނަޝީދު ކަމަށް މާފަންނު ދެކުނު ދާއިރާގެ ރައްޔިތުންގެ މަޖިލީހުގެ މެންބަރު ޢަބްދުﷲ ރިފާޢު ވިދާޅުވެއްޖެއެވެ.
ރައީސުލްޖުމްހޫރިއްޔާ ޑރ. މުޙައްމަދު މުޢިއްޒަށް އަމާޒުކުރައްވައި ކުރީގެ ރައީސް މުޙައްމަދު ނަޝީދު ދެއްކެވި ވާހަކަފުޅުތަކަކަށް ރައްދުދެއްވައި، މީސްމީޑިއާ އެކްސްގައި ހިއްސާ ކުރެއްވި ޕޯސްޓެއްގައި ވިދާޅުވީ، ނަޝީދުގެ ވެރިކަމުގެ މުއްދަތުގެ ތެރޭގައި ދައުލަތުގެ މާލީ ނިޒާމު ފުނޑުފުނޑުކޮށްލައި، ޤައުމު ބޮޑު ދަރަންޏަކަށް ވައްޓާލާފައިވާ ކަމަށެވެ. ހަމައެއާ އެކު، މަސްތުވާތަކެތީގެ ވަބާއަށް މަގުފަހިވާގޮތަށް ވާހަކަދައްކަވައި، ދިވެހިންގެ އިސްލާމީ އާދަކާދަތަކާއި އިޖުތިމާޢީ ރިވެތި ސިފަތައް ނައްތާލުމަށް މަސައްކަތްކުރެއްވިކަން ފާހަގަކުރެއްވިއެވެ. އަދި ދިވެހި މުޖުތަމަޢު މާތްވެގެންވާ އިސްލާމްދީނާ ދުރުކުރުވުން ފިޔަވައި އިތުރު ކަމެއް ނަޝީދު ކުރައްވާފައި ނުވާކަމަށް ވެސް އޭނާ ވިދާޅުވިއެވެ.
ރައީސް ޑރ. މުޢިއްޒުގެ ހަރުދަނާ ސިޔާސަތުތަކާ އެކު ޤައުމަށް މިހާރު ލިބިފައިވާ އަމާންކަމާއި ހަމަޖެހުން ނަގާލުމަށް ފަހު، އަނެއްކާ ވެސް ރާއްޖެ ހަމަނުޖެހުމެއްގެ ތެރެއަށް ވައްޓާލަން ނަޝީދު ކުރައްވަމުންގެންދަވާ މަސައްކަތްތަކަށް ދިވެހި ރައްޔިތުން ޖާގަނުދޭނެކަން ކަށަވަރުކުރައްވަމުން، ރިފާޢު ވަނީ ނަޝީދު އަލުން އެފްރިކާއަށް ވަޑައިގަތުމަށް ގޮވާލައްވާފައެވެ.
ނަޝީދު ޤައުމަށް ހަލާލަލަކަށްވީ އެބޭޕުޅާ ގެންނެވި ސިޔާސަތުން ރިފާއު މެނކަހަލަ މީސްމީހުން ފެންބޮއެ ހައިހޫނުކަން ފިލުވާ، ބައެއް ނޭގިތިއްބާ ކުއްލިއަކަށް މަހުޖަނުންނައްވެ، އިސާހިތަކު ޤައުމުގެ އީމްދަނީ އިތުވީމަތޯ؟ ދަރިން ނުވިހާ އަްނހެނަކު އަލަށް ބަލިވެ އިދެވުނީމާހެން އެސިޔާސަތުގެ ލައްޒަތު ލިބުމުން ވާހެންވެފަ ތިބިގިނަ ސިޔީސީ މިސްމީހުން ނަޝީދަށް ބަސްބުނާނީ.
ވަރަށް ދެރަ. މާފަންނު މެދުދާއިރާގެ މެންބަރަކަށް އަޅުގަޱު ވޯޓްދީ މަޖްލީ ހަކަށް ތިހާ ދަށު ދަރަޖަޔަކަށް ވެއްޓިދާނެ ކަމަށް ގަބޫލްކުރި ބޭކަލެއް ނޫން. ތީ ބަލައި ނުގަންނަ ކަމެއް.
ރިފާޢު އެހެން އެވިދާލުވަނީ ސަބަބެއްނެތިއެއްނޫން ވަރައްގިނަ ސަބަބުޔައްއެބަހުރި އެހެން ވަދާޅުވާންޖެހޭ