ކަނޑުހުޅުދޫން މީހަކު ކޮވިޑް-19 އަށް ފައްސިވެއްޖެ

ގއ. ކަނޑުހުޅުދޫން ކޮވިޑް-19 އަށް ފައްސި ވޭދަނައެއް ފެނިއްޖެއެވެ.

Ads by STELCO

މައުލޫމާތު ލިބޭ ގޮތުގައި ފައްސިވެފައި ވަނީ ހޯމް ކަރަންޓީނުގައި ހުރި އަންހެނެކެވެ.

އެނގިފައިވާ ގޮތުގައި ކޮވިޑް-19 އަށް ޝައްކުވެގެން އެރަށުން އުމުރުން 28 އަހަރުގެ އަންހެނެއްގެ ވޭދަނައެއް ނަގާފައިވަނީ މިމަހުގެ ހަތްވަނަ ދުވަހުގައެވެ.

ްއެވޭދަނައިގެ ނަތީޖާ މިއަދު ލިބިފައިވާއިރު އެމީހާގެ ނަތީޖާ ވަނީ ކޮވިޑް-19 އަށް ފައްސި ވެފައެވެ.

ފައްސިވީ މީހާ ހުރީ ކަރަންޓީނުގައި ކަމަށްވާތީ އެރަށުގެ އިތުރު މީހަކަށް ބަލިޖެހުމުގެ ފުރުސަތު ކުޑަކަމަށް މައުލޫމާތު ލިބިފައެވެ.

މިއީ ކަނޑުހުޅުދޫން ކޮވިޑް-19 ގެ ވޭދަނައެއް ފެނުނު ފުރަތަމަ ފަހަރެވެ.

މީގެ އިތުރުން 14 ދުވަސް ހަމަކުރުމަށްފަހު ކަރަންޓީން ރިލީޒްއަށް ނެގުނު ސާމްޕަލްތަކުގެ ތެރެއިން ގދ. ތިނަދޫން ވެސް ދެ މީހުން މިއަދު ވަނީ ފައްސިވެފައެވެ.