މިމަހު ރާއްޖެއަށް 134،339 ފަތުރުވެރިން، 1.3 އިންސައްތަ އިތުރު

މިމަހު ރާއްޖެއަށް  134،339 ފަތުރުވެރިން ޒިޔާރަތްކޮށް، އައި ފަތުރުވެރިންގެ އަދަދު 1.3 އިންސައްތަ އިތުރު ވެއްޖެއެވެ.

ޓޫރިޒަމް ތަފާސް ހިސާބުތައް ދައްކާ ގޮތުން މި މަހުގެ ދުވަހުން ދުވަހަށް އައި ފަތުރުވެރިންގެ އަދަދުތަކަށް ބަލާއިރު، މަހުގެ ފަހުކޮޅުގައި ފަތުރުވެރިންގެ އައިސްފައިވާ އަދަދުތައް ވަރަށް ބޮޑަށް މައްޗަށް ގޮސްފައިވާކަން ފާހަގަކުރެވެއެވެ. އެގޮތުން ސެޕްޓެމްބަރު 26 އަދި 27ވަނަ ދުވަހު އެކަނި ވެސް ކޮންމެ ދުވަހަކު 6،200 އަށްވުރެ ގިނަ ފަތުރުވެރިން ވަނީ ރާއްޖެއަށް އައިސްފައެވެ. އެއީ ސެޕްޓެމްބަރު 26 ގައި 6،284 ފަތުރުވެރިން އަދި 27ގައި 6،264 ފަތުރުވެރިންނެވެ.

އެންމެ ގިނަ ފަތުރުވެރިން އައި ގައުމުތައް

ޗައިނާ (19.0%)
ރަޝިޔާ (14.6%)
ޔޫކޭ (7.3%)

މި ހިސާބުތަކުން އެނގޭ ގޮތުގައި ފަތުރުވެރިންގެ ތެރެން އެންމެ ގިނަ މީހުން ޗުއްޓީ ހޭދަކުރަނީ ރިސޯޓުތަކުގައެވެ (73.6%) އަދި ގެސްޓްހައުސްތަކުގައި 22.0% ފަތުރުވެރިން ތިބެއެވެ. އަދި މި އަހަރު ޖުމްލަ ފަތުރުވެރިންގެ އަދަދު ވަނީ 1،557،515 އަށް އަރާފައެވެ. އަދި މި މަހުގެ ތެރޭގައި އެންމެ ގިނަ ފަތުރުވެރިން ޒިޔާރަތްކޮށްފައިވާ މައިގަނޑު ގައުމުތަކުގެ ތެރޭގައި ޗައިނާ، ރަޝިޔާ އަދި އިނގިރޭސިވިލޭތް (ޔޫ.ކޭ) ހިމެނެއެވެ.