Monday, 16 November 2026
Advertisement
HDC — Share-Below (leaderboard)
ސިޔާސީ

ބަންޑާރަ ނައިބު ރައީސް ޔާމީނަށް: ރިޒޯޓުތައް 99 އަހަރަށް ކުއްޔަށްދޭން ނިންމީ މަނިކުފާނުގެ ވެރިކަމުގައި

ބަންޑާރަ ނައިބު ރައީސް ޔާމީނަށް: ރިޒޯޓުތައް 99 އަހަރަށް ކުއްޔަށްދޭން ނިންމީ މަނިކުފާނުގެ ވެރިކަމުގައި

ކުރީގެ ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމް ދެއްކެވި ވާހަކަފުޅުތަކަކަށް ރައްދުދެއްވައި، 20 ބިލިއަން ޑޮލަރުގެ ރަސްމާލެ މަޝްރޫޢުގެ އެއްބަސްވުންތަކުގައި ދިވެހިރާއްޖޭގެ ޤާނޫނުއަސާސީއާއި ޤާނޫނުތަކާ ފުށުއަރާނެ އެއްވެސް ކަމެއް މި ސަރުކާރުން ނުކުރާނެކަމުގެ ފުރިހަމަ ޔަޤީންކަން ބަންޑާރަނާއިބު އަޙްމަދު އުޝާމް މިއަދު ދެއްވައިފިއެވެ.

ރަސްމާލެ ތަރައްޤީކުރުމަށް މިހާތަނަށް ސޮއިކޮށްފައި ވަނީ ހަމައެކަނި "ލެޓަރ އޮފް އިންޓެންޓް" ނުވަތަ ކޮމާޝަލް ޓަރމްސް އެގްރީމެންޓެއްގައިކަން ފާހަގަކުރައްވައި، އޭޖީ ވިދާޅުވީ އެ މަޝްރޫޢު ހިންގުމަށް ހަމަޖެހިފައިވަނީ އަލަށް ފަރުމާކުރަމުންދާ ރިއަލް އެސްޓޭޓް ޤާނޫނުގެ ދަށުން ކަމަށެވެ. އަދި އަމަލީ މަސައްކަތް ފެށުމުގެ ކުރިން، ރައްޔިތުންގެ މަޖިލީހުން ގުޅުންހުރި ޤާނޫނުތައް ފާސްކޮށް، އިތުރު މަޝްވަރާތަކަށް ފަހު ފުރިހަމަ އެއްބަސްވުންތަކެއްގައި ސޮއިކުރެވޭނެކަން އޭނާ ހާމަކުރެއްވިއެވެ.

ސޯޝަލް މީޑިއާ ޕްލެޓްފޯމް 'އެކްސް'ގައި އާންމުކުރެއްވި ބަޔާނެއްގައި އުޝާމް ވަނީ ރައީސް ޔާމީނަށް ވަރަށް ބޮޑަށް ފާޑުވިދާޅުވެފައެވެ. އެގޮތުން، ފަތުރުވެރިކަމުގެ ބޭނުމަށް ރަށްރަށާއި ބިންތައް 99 އަހަރަށް ކުއްޔަށް ދޫކުރެވޭގޮތަށް ޤާނޫނަށް ބަދަލުގެނެސްފައި ވަނީ ސީދާ ޔާމީންގެ ވެރިކަމުގައިކަން ހަނދުމަފުޅުނެތީތޯ ބަންޑާރަނާއިބު ސުވާލުކުރެއްވިއެވެ.

Advertisement
Allied — Dhen Online (box)

https://twitter.com/a_usham/status/2104854572959473872

ރާއްޖޭގެ ފަތުރުވެރިކަމުގެ ޤާނޫނީ ތާރީޚަށް އަލިއަޅުވާލައްވަމުން އޭޖީ ވިދާޅުވީ، 1999ވަނަ އަހަރު ވުޖޫދުވި ފުރަތަމަ ޤާނޫނުގެ ދަށުން ރިސޯޓުތައް ދޫކުރަމުން އައީ ގިނަވެގެން 25 އަހަރަށް ކަމަށެވެ. އެ މުއްދަތު 50 އަހަރަށް އިތުރުކުރީ 2010ވަނަ އަހަރު ރައީސް މުޙައްމަދު ނަޝީދުގެ ސަރުކާރުގައެވެ. އޭގެ ފަހުން، 2015ވަނަ އަހަރު އެ މުއްދަތު 99 އަހަރަށް ދިގުދަންމާލީ ރައީސް ޔާމީންގެ ސަރުކާރުންކަން އޭނާ ތަފްޞީލުކޮށްދެއްވިއެވެ.

މީގެ އިތުރުން، ފަތުރުވެރިކަމާ ބެހޭ ޤާނޫނުގެ 8ވަނަ މާއްދާގެ ދަށުން، 99 އަހަރު ހަމަވުމުން އިންވެސްޓްމަންޓްގެ އަގުން ބާވެ ހަލާކުވި މިންވަރު ކެނޑުމަށް ފަހު ބާކީ އޮންނަ އަދަދު ސަރުކާރުން އިންވެސްޓަރަށް ދައްކަންޖެހޭނެކަން ވެސް އުޝާމްގެ ޕޯސްޓުގައި ފާހަގަކުރައްވާފައިވެއެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.