ކްލޯއި ކާޑޭޝިއަން ކޮވިޑް-19 އަށް ފައްސިވީތަ؟
ކްލޯއި ކާޑޭޝިއަން އަށް ކޮވިޑް ޖެހުނު ކަން ހާމަކޮށްފިއެވެ.
ރިއަލިޓީ ޝޯ ކީޕިން އަޕް ވިތް ދަ ކާޑޭޝަންސް ގެ ތަރި ކްލޯއި އަށް ކޮވިޑް ޖެހުނު ކަން ހާމަކޮށްފައި ވަނީ ކީޕިން އަޕް ވިތް ދަ ކާޑޭޝަންސް ޝޯގެ ކުރިއަށް އޮތް އެޕިސޯޑުގެ ޓީޒާގައެވެ.
ރިޕޯޓުތައް ބުނާ ގޮތުގައި މި އެޕިސޯޑަކީ މީގެ މަސްތަކެއް ކުރިން ނަގާފައިވާ މަންޒަރުތަކެކެވެ. އެހެންކަމުން ކްލޯއި ކޮވިޑަށް ފައްސިވެފައިވުން އެންމެ ގާތީ ސެޕްޓެމްބަރު މަހުގައެވެ.
މި ޓީޒާ ގައި ކްލޯއި އޭނާގެ ކޮޓަރީގައި އައިސޮލޭޓު ވާހަކަ ބުނެފައިވެއެވެ. އަދި ދުވަސްކޮޅަށް ހާލު ވަރަށް ބޮޑަށް ބަލިވި ކަމަށާއި ކެއްސާ، ހޮޑުލެވި އަދި ހުން އައުން ފަދަ އަލާމާތްތައް އޭނާގެ ގައިން ފެނިގެން ދިޔަ ކަމަށް ކްލޯއި ބުނެފައިވެއެވެ.
ކްލޯއި ކޮވިޑަށް ފައްސިވިއިރު އޭނާ އާއި އެކު އޭނާގެ 2 އަހަރުގެ އަންހެން ދަރިފުޅު، ޓްރޫ ތޮމްޕްސަން އާއި އޭނާގެ ލޯބިވެރިޔާ ޓްރިސްޓަން ތޮމްޕްސަން ވެސް ފުރަބަންދު ވިއެވެ. ނަމަވެސް ލޯބިވެރިޔާ އާއި ދަރިފުޅު ފައްސިވިކަން ހާމަކޮށްފައެއް ނުވެއެވެ.
