ޚަބަރު

އިތުރު 36 މީހަކު ކޮވިޑް19 އަށް ފައްސިވެއްޖެ

ދެން އެމްވީ

އިތުރު 36 މީހަކު ކޮވިޑް19 އަށް ފައްސިވެއްޖެއެވެ.

މިކަން ހާމަކޮށް ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ވިދާޅުވީ، މިރޭ ރާއްޖެއިން ކޮވިޑް-19 އަށް ފައްސިވީ 36 މީހުންގެ ތެރޭގައި ހިމެނެނީ ބަންގްލަދޭޝްގެ 29 މީހަކާއި ހަ ދިވެހިންނާއި އިންޑިއާ މީހެއް ކަމަށެވެ.

އެޗްޕީއޭ އިން ވިދާޅުވީ، މިރޭ ފައްސިވި 36 މީހުންގެ ތެރެއިން 30 މީހުންނަކީ ތިން ގެއެއްގައި ދިރިއުޅެމުން ދިޔަ މީހުން ކަމަށެވެ. މި އެންމެންވެސް މިހާރު އައިސޮލޭޝަން ފެސިލިޓީތަކަށް ގެންދިއުމުގެ މަސައްކަތް ކުރަމުންދާ ކަމަށް އެޗްޕީއޭ އިން ވިދާޅުވެއެވެ.

އިތުރު 36 މީހަކު ފައްސިވުމާއެކު މިހާރު ރާއްޖެއިން ކޮވިޑް-19 ޖެހުނު މީހުންގެ ޖުމްލަ އަދަދު ވަނީ 177 އަށް އަރާފައެވެ.

މި ލިޔުމަށް 48 ގަޑި އިރު ވެފައިވާތީ ކޮމެންޓުކުރުމުގެ ފުރުސަތެއް ނެތް. މާފުކުރައްވާ!