ފޮރީން މިނިސްޓްރީ: އިސްލާމްދީނުގެ އަސްލަކާ ހިލާފުވާ އެއްވެސް ރިކޮމެންޑޭޝަނަނެއް ދިވެހިރާއްޖެއިން ބަަލައި ނުގަންނާނަން

މި ރިވިއު ސެޝަން ހިންގުމަށް ހަމަޖެހިފައި ވަނީ ރާއްޖެގަޑިން 6:30 ގައެވެ. މިއަދުގެ ސެޝަންގައި، ދިވެހިރާއްޖެއިން ވޭތުވެދިޔަ ހަތަރު އަހަރާއި ބައިގެ ތެރޭގައި އިންސާނީ ހައްގުތައް ރައްކާތެރި ކުރުމަށް ކުރެވުނު މަސައްކަތްތައް ރިވިއު ކުރެވޭނެއެވެ.

ދިވެހިރާއްޖެއިން މިއަދުގެ ސެޝަނަށް ފެބްރުއަރީ 3، 2020 ގައި ހުށަހަޅާފައިވާ ނޭޝަނަލް ރިޕޯޓުގައި ހިމަނާފައިވާ މައުލޫމާތުގެ އިތުރުން މަދަނީ ޖަމާއަތްތަކާއި ހިއުމަން ރައިޓްސް ކޮމިޝަން އޮފް މޯލްޑިވްސް އިން ހުށަހަޅާފައިވާ ސްޓޭކްހޯލްޑާ ރިޕޯޓުތަކާއި، އދ ގެ އެކި ފަރާތްތަކުން ދިވެހިރާއްޖެއާ ގުޅޭގޮތުން ހުށަހަޅާފައިވާ މައުލޫމާތުގެ މައްޗަށް ބިނާކޮށް، ދިވެހިރާއްޖެއާ ގުޅޭގޮތުން ގައުމުތަކަށް ރިކޮމެންޑޭޝަން ހުށަހެޅުމަށް ފުރުސަތު ލިބިގެންދާނެއެވެ. ރާއްޖެއަށް ރެކޮމެންޑޭޝަން ހުށަހެޅުމަށް ޖުމުލަ 87 ގައުމަކުން އެދިފައި ވެއެވެ.