ގައިގެ މަސްގުޅަ ފިލުވަން ކުރަންވީ މިކަންތައް!
ކަސްރަތު ކޮށްގެން ނޫނީ ކުޅިވަރެއް ކުޅެގެން މަސްގުޅަ ވެފައި ހުރޭ ހެއްޔެވެ؟ އެކަން ރަނގަޅު ކޮށްލަން ކުރަން ބޭނުން ނަމަ ކުރެވިދާނެ ކަންކަން އެބަ ހުއްޓެވެ.
މަސްގުޅަ ވެގެން ތަދުވާނަމަ ގޭގައި ހުރެގެން މަސްގުޅަ ވެފައިވާ ތަންތަން މަދު މަދުން ނަމަވެސް “ސްޓްރެޗް” ކޮށްލާށެވެ. އެއީ ހަށިގަނޑަށް ފަސޭހަވާނެ ކަމެކެވެ. އަދި އެކަމުގެ ސަބަބުން ވާ ތަދު ލުއި ކޮށްދޭ ކަމެއް ވެސް މެއެވެ.
މޫދަށް އެރުމަކީ މަސްގުޅަތައް ފިލުވައިދޭ ކަމެކެވެ. ކަސްރަތު ކުރުމަށްފަހު ގައިގައި ރިއްސާނަމަ އޭގެ އަނެއް ދުވަހު މޫދަށް އެރި ފަތާލުމުން އިސާހިތަކު މަސްގުޅަ ފިލާނެއެވެ.
ފުރަތަމަ ދުވަހު ކަސްރަތު ކުރުމަށް ފަހު އޭގެ އަނެއް ދުވަހު ވެސް ކަސްރަތު ކުރުމަށް ނިކުންނާށެވެ. އެހެން ނޫނީ ހަމަ މަސްގުޅަ ކެއުމުން ވާ ތަދު ވާނީ ހަމަ ބޮޑެވެ.
ދެން އޮތް ގޮތަކީ ތެޔޮ ހޭނުމެވެ. ގައިގައި ރިއްސާނަމަ އޭގެ އަނެއް ދުވަހު ރަނގަޅަށް ތެޔޮ ލައިގެން ހާނާލާށެވެ. އެއީ ވެސް މަސްގުޅަކެއުމުގެ ސަބަބުން ވާ ތަދު ކުޑަކޮށްދޭ ކަމެކެވެ.
އަދި މިނޫން ވެސް އިތުރު ކަންކަން ކުރެވިދާނެއެވެ. މަސްގުޅަ ވުމަކީ އާންމު ކަމެކެވެ. ގިނަ ދުވަސް ތަކަކަށް ފަހު ކަސްރަތު ކުރުމުން ނުވަތަ ކުޅިވަރެއް ކުޅުމުން މަސްގުޅަ ވުމަކީ ވާ ކަމެކެވެ. އެހެން ނަމަވެސް ދާއިމީކޮށް އެ ކަސްރަތު ނުވަތަ ކުޅިވަރު ކުޅުމަކީ ތިމާގެ ހަށިގަނޑު އެކަމަށް ހޭނި މަސް ގުޅަވުން ކެނޑޭ ކަމެކެވެ.
