ކޮވިޑް-19: ނަޑެއްލާއިން މީހަކު ފައްސިވެއްޖެ

ގދ. ނަޑެއްލާއިން މީހަކު ކޮވިޑް-19 އަށް ފައްސިވެއްޖެއެވެ. ފައްސި ވެފައި ވަނީ ހޯމް ކަަރަންޓީނުގައި ހުރި މީހެކެވެ.

Ads by Sosun Fihaara

މި މީހާ ފައްސި ވެފައިވާކަން އެނގިފައިވަނީ ކަރަންޓީނު ނިންމުމަށް ފަހު ހެދި ކޮވިޑް ޓެސްޓުންނެވެ.

ނަޑެއްލާ ކައުންސިލުން ވިދާޅުވީ އޮކްޓޯބަރު މަހުގެ 19 ވަނަ ދުވަހު އެރަށުގައި ހޯމް ކަރަންޓީނު ކުރެވުނު މީހަކު ކޮވިޑް-19 އަށް ފައްސިވެފައިވާ ކަމަށެވެ. އަދި މިކަމާ ގުޅިގެން ކައުންސިލުން އަޅަން ޖެހޭ ފިޔަވަޅުތައް އަޅަމުން އަންނަ ކަމަށާއި ކޮންމެހެން ޒަރޫރީ ބޭނުމެއްގައި ނޫނީ ގެއިން ބޭރަށް ނުނިކުތުމަށް ކައުންސިލުން ވަނީ ރައްޔިތުންނަށް އިލްތިމާސްކޮށްފައެވެ.

އަދި ކޮވިޑް-19 އަށް ޝައްކު ކުރެވޭ ފަދަ އެއްވެސް އަލާމާތެއް ފެނިއްޖެ ނަމަ ލަސްނުކުރައްވާ އަވަހަށް ރިޕޯޓުކޮށްދިނުމަށް ކައުންސިލުން ވަނީ އެދިފައެވެ.