ދިވެހި ޒުވާން އަންހެން ކުދިންގެ ހިތްތަކުގައި ރަސްކަން ކުރަމުން އަންނަ ރިތިކް ރޯޝަން ރާއްޖޭގައި
ދިވެހި ޒުވާން ގިނަ އަންހެން ކުދިންގެ ހިތްތަކުގައި ރަސްކަން ކުރަމުންދާ ބޮލީވުޑް ތަރި ، ރިތިކް ރޯޝަން ޗުއްޓީ ހޭދަކޮށްލުމަށް ރާއްޖެއަށް އައިސްފިއެވެ.
އޮންލައިން ނޫސް "ވަގުތު" ގައި ބުނެފައި ވަނީ ރިތިކް ރޯޝަން ރާއްޖެއަށް އަތުވެއްޖެކަން ޔަގީންވެފައިވާ ކަމަށެވެ. މިއަދު ހެނދުނު ރާއްޖެއަށް ރިތިކް ރާއްޖެއަށް އައިސްފައިވަނީ އާއިލާއާއެކު ޗުއްޓީ ހޭދަކޮށްލުމަށެވެ.
ރިތިކް ޗުއްޓީ ހޭދަކުރަމުން އަންނަނީ ރަންދެލި ރިސޯޓުގައި ކަމަށް ވެސް ވަނީ މައުލޫމާތު ލިބިފައެވެ.
ރިތިކް އަކީ، 1990 ގެ އަހަރުތަކުން ފެށިގެން ބޮލީވުޑުގެ އެންމެ އުހުގައި ފިޔަޖަހަމުން އަންނަ އެއް ތަރިއެވެ. ރިތިކް ކުޅެފައިވާ ފިލްމުތަކުގެ ތެރޭގައި، ޖޯދާ އަކްބަރު، ކޮއި މިލް ގަޔާ، ދޫމް 2، އަދި ބޭންގް ބޭންގް ހިމެނެއެވެ.
ރިތިކް އެންމެ ފަހުން ކުޅެފައިވާ ފިލުމަކީ ޓައިގަރ ޝްރޯފް އަދި ވާނީ ކަޕޫރާއިއެކު ކުޅޭފައިވާ ފިލުމު ''ވަރ''އެވެ.
ރިތިކް ރާއްޖޭގައި ޗުއްޓީ ހޭދަކުރަމުންދާއިރު ބޮލީވުޑްގެ މަޝްހޫރު ފިލްމީ ތަރި ޓައިގަރ ޝްރޮޕް ވެސް އަންނަނީ ރާއްޖޭގައި ޗުއްޓީ ހޭދަކުރަމުންނެވެ. އަދި މަޝްހޫރު ބަތަލާ ކެޓްރީނާ ކައިފް ވެސް މިވަގުތު ރާއްޖޭގައި ދަނީ ޗުއްޓީ ހޭދަކުރަމުންނެވެ.
ފިވެހިި އަންހެނުން ހިތުގަ ދުވަހަކުވެސް ފިރިމީހާ ރަސްކަން ކުރާނެބާ ؟