ޑަޔާނާއާ ކައިވެނީގެ ގޮތުން ގުޅިވަޑައިގަތުމުގެ ކުރިން ޕްރިންސް ޗާލްސް ލޯބީގެ ގޮތުން ގުޅިވަޑައިގަތީ ކޮން ބަޔަކާކަން އެނގޭތަ؟
އިނގިރޭސި ޝާހީ އާއިލާގެ މެންބަރުންނަކީ އަބަދުވެސް ދުނިޔޭގެ އެތައް ބައެއްގެ މެދުގައި މަޝްހޫރު ބައެކެވެ. އެމީހުންނަކީ، އާއްމު ގޮތެއްގައި މާ ގިނައިން ތަންތަނުން ނުފެނުނު ކަމުގައި ވިޔަސް، އެމީހުން މަޤުބޫލުކަން ނުކެނޑި، އެތައް ދުވަހެއް ވަންދެން ދެމި ހުންނަ ބައެއް ވެސް މެއެވެ. އެގޮތުން ދުނިޔޭގައި ނެތް ނަމަވެސް ޕްރިންސް ޗާލްސް ގެ ފުރަތަމަ އަނބިކަނބަލުން ޑަޔާނާގެ ވާހަކަތަކަށް ގިނަ ބައެއް ޝައުގުވެރިވެއެވެ.
ރިޕޯޓުތައް ބުނާ ގޮތުގައި ޕްރިންސް ޗާލްސް ޑަޔާނާ އާ ކައިވެނި ބައްލަވައިގަތީ އެއްވެސް ވަރަކަށް ލޯބި ވެގެނެއް ނޫނެވެ. 1981 ވަނަ އަހަރުގެ ޖުލައި މަހުގެ 29 ޑަޔާނާ ކައިވެނި ބައްލަވައިގަތުމުގެ ކުރިން ވެސް ޕްރިންސް ޗާލްސް ލޯބީގެ ގޮތުން ގިނަ ބަޔަކާ ގުޅުނެވެ.
ޕްރިންސް ޗާލްސް އެންމެ ފުރަތަމަ ލޯބީގެ ގޮތުން ގުޅިވަޑައިގެންނެވީ ކޮލެޖުގައި ހޭދަކުރި ދުވަސްވަރު، 1967 ވަނަ އަހަރުއެވެ. ރިޕޯޓުތައް ބުނާ ގޮތުގައި މިހާރު އުމުރުން 71 އަހަރުގެ ޕްރިންސް ޗާލްސް، އުމުރުން 20 ގެ އަހަރުތަކުގައި 20 އަންހެނުންނާ ލޯބީގެ ގޮތުން ގުޅިވަޑައިގަތެވެ. އެގޮތުން މި ހިމަނާލަނީ އޭގެ ތެރެއިން ބައެއް ނަން މަޝްހޫރު ފަރާތްތަކެވެ.
ލޫސިއާ ސެންޓަ ކްރޫޒް
ތާރީހު ދިރާސާކުރާ ފަރާތްތައް ބުނާ ގޮތުގައި ލޫސިއާ އަކީ ޕްރިންސް ޗާލްސްގެ އެންމެ ފުރަތަމަ ލޯތްބެވެ. ލޫސިއާއަކީ ކުރީގައި ޗިލީއިން ލަންޑަންއަށް ކަނޑައަޅާފައި ހުރި އެމްބެސެޑަރުގެ ދަރިކަލުންނެވެ.
ލޭޑީ ޖޭން
ޕްރިންސް ޗާލްސް އާ ލޭޑީ ޖޭން ގުޅިވަޑައިގެން އުޅުއްވީ 1973 ވަނަ އަހަރާއި 1974 ވަނަ އަހަރުއެވެ.
ޑެވީނާ ޝެފީލްޑް
ލޭޑީ ސެރާ ސްޕެންސާ
ލޭޑީ އަމާންޑާ
އެނާ ވެލެސް
