ފާހާނާ ސާފުކުރާ ކެމިކަލް ބޮއެގެން ކުޑަކުއްޖެއް މަރުވެއްޖެ

ފާހާނާ ސާފުކުރުމަށް ބޭނުންކުރާ ކެމިކަލް ބޮއެގެން އިނގިރޭސި ވިލާތުގައި 2 އަހަރުގެ ކުޑަކުއްޖަކު މަރުވެއްޖެއެވެ.

ބީބީސީން ބުނެފައިވާ ގޮތުގައި، ޖޫން މަހުގެ 28 ވަނަ ދުވަހު މި ކުއްޖާއަށް ވަނީ ހޮޑުލެވެން ފަށައިފައެވެ. އަދި ލީ ހޮޑު ހުރީ ގަދަ ފިޔާތޮށި ކުލައެއްގައި ކަމަށާއި ހޮސްޕިޓަލުގައި އެޑްމިޓު ކުރެވުނުތާ ހަފްތާއެއް ފަހުން ހާލު ރަނގަޅުވާ ކަމަށް ބުނެ ޑޮކްޓަރުން ވެސް ގެއަށް ފޮނުވާލި ކަމަށެވެ.

އެ އަންހެން ކުއްޖާ ގެއަށް ފޮނުވާލީ ޖުލައި މަހު 1 ގައި ނަމަވެސް، ކަރުން ލޭ އައުމުގެ ސަބަބުން އަނެއްކާ ވެސް ޖުލައިމަހުގެ 9 ވަނަ ދުވަހު ހޮސްޕިޓަލަށް ގެންދެވުނު ކަމަށެ ވެސް ބޭރުގެ މީޑިއާތަކުން މައުލޫމާތު ލިބެއެވެ. ޖުލައި މަހުގެ 9 ވަނަ ދުވަހު ހޮސްޕިޓަލަށް ގެންދެވުނުތާ މާގިނަ އިރުތަކެއް ނުވަނީސް އެކުއްޖާއަށް ޝޮކެއްޖެހި މަރުވީ ކަމަށް ވެސް ޚަބަރުތަކުން މައުލޫމާތު ލިބެއެވެ.