ނިހާނުގެ މައްޗަށް ތުހުމަތުކުރެވޭ އެމްއެމްޕީއާރްސީ މައްސަލަ އަދިވެސް ލިބިފައެއް ނެތް: ޕީޖީ

ރައްޔިތުންގެ މަޖިލީހުގެ ވިލިމާލޭ ދާއިރާގެ ކުރީގެ މެންބަރު އަހުމަދު ނިހާނު ޙުސެއިން މަނިކުގެ މައްޗަށް ތުހުމަތު ކުރެވޭ އެމްއެމްޕީއާރްސީގެ ބޮޑު ޚިޔާނާތުގެ މައްސަލަ ނިމި މިދިޔަ ހަފްތާގައި ފޮނުވާނެ ކަމަށް އެސެޓް ރިކަވަރީ ކޮމިޝަނުން ބުނި ނަމަވެސް، އެމައްސަލަ އަދިވެސް ފޮނުވާފައި ނުވާ ކަމަށް ޕީޖީ އޮފީހުން މިއަދު ބުނެފި އެެވެ.

Ads by STELCO

މިމައްސަލައިގެ ތަހުގީގަށް ނިހާނު އެކޮމިޝަނަށް ހާޒިރު ކުރީ މިދިޔަ އޮކްޓޯބަރު މަހުގެ 24 ވަނަ ދުވަހުގައެވެ.

އެސެޓް ރިކަވަރީ ކޮމިޝަނުން މިމައްސަލަ ޕީޖީ އޮފީހަށް ފޮނުވާފައިވޭތޯ ސުވާލު ކުރުމުން އެއޮފީހުގެ އޮފިޝަލަކު ވިދާޅުވީ އެމައްސަލަ ފޮނުވާނެ ކަމަށް އެ ކޮމިޝަނުން ބުނެފައި ވަނީ ނިމިދިޔަ ހަފްތާގެ ބުރާސްފަތި ދުވަހު ކަމަށާއި އެހެން ނަމަވެސް އެމައްސަލަ އަދިވެސް ފޮނުވާފައި ނުވާ ކަމަށެވެ.