އަސްކޮއި ގްރޫޕްގެ މައްޗަށް ދައުވާކުރަން ފޮނުވައިފި

އެތައް ބައެއްގެ އަތުން ފައިސާ ނެގުމަށް ފަހު އުމްރާއަށް ނުގެންދިޔަ މައްސަލައިގައި އަސްކޮއި ގްރޫޕްގެ މައްޗަށް ދައުވާކުރަން ފޮނުވައިފިއެވެ.
109މީހެއްގެ އަތުން ފައިސާ ނަގައި އެފައިސާއަށް ހިޔާނާތްތެރިވި މައްސަލަ ފުލުހުންނަށް ހުށަހެޅީ މިދިޔަ ޖުލައި މަހުއެވެ.
ފުލުހުން މިއަދު ބުނީ އެ މައްސަލައިގައި ތަހުގީގު ނިންމައި އެ ގްރޫޕްގެ މައްޗަށް ދައުވާކުރަން މިދިޔަ ބުދަ ދުވަހު ޕްރޮސިކިއުޓާ ޖެނެރަލް އޮފީހަށް ހުށަހަޅާފައިވާ ކަމަށެވެ.
މި ޚިދުމަތުން ކުރިއަށް ގެންދިޔަ ތަހުގީގު ނިންމައި ދައުވާކޮށްދިނުމަށް އެދި ޕްރޮސިކިއުޓަރ ޖެނެރަލްގެ އޮފީހަށް ފޮނުވާފައި ވަނީ 2026ނޮވެމްބަރު 18ވަނަ ދުވަހުއެވެ. ފުލުހުން ބުނީ އަސްކޮއިއިން ހިޔާނާތްތެރިވި ފައިސާގެ އަދަދު 2.7މިލިއަން ރުފިޔާއަށް އަރާ ކަމަށެވެ.
އުމްރާވެރިންނަށް ހިޔާނާތްތެރިވި މައްސަލައިގައި އިސްލާމިކް މިނިސްޓްރީން ވެސް މިދިޔަ ޖުލައި މަހު އެ ކުންފުނި ޖޫރިމަނާކޮށް އުމްރާއަށް ގެންދިޔުމަށް އެ ކުންފުންޏަށް ދޫކޮށްފައިވާ ހުއްދަ ވަނީ ހިފަހައްޓާފައެވެ. އަދި އަސްކޮއި ކުންފުނީގެ އެއްވެސް ހިއްސާދާރެއް ހިމެނޭ އެހެން ކުންފުންޏަކަށް ވެސް އުމްރާއަށް ގެންދިޔުމުގެ ހުއްދަ ނުދޭގޮތަށް ވެސް މިނިސްޓްރީން ނިންމިއެވެ.



.png)

ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.