ހުޅުމާލެ ޕޮލިސް ފޯރަމް ފަށައިފި

ހުޅުމާލެ ޕޮލިސް ފޯރަމް 2026ފަށައިފިއެވެ. މިއަދުން ފެށިގެން ތިން ދުވަހުގެ މުއްދަތަށް އެމް.ޑަބްލިއު.އެސް.ސީ އޮޑިޓޯރިއަމްގައި ކުރިއަށް ގެންދާ މި ފޯރަމަކީ ހުޅުމާލެ ޕޮލިހުން އަންނަ އަހަރަށް ކަނޑައަޅާ އިސްކަންދޭ ދާއިރާތަކާއި އަހަރީ އެކްޝަން ޕްލޭން އެކުލަވާލުމަށް އަމާޒުކޮށްގެން ބާއްވާ ފޯރަމެކެވެ. މި ފޯރަމްގައި ވާހަކަ ދައްކަމަވުމުން އެސިސްޓެންޓް ކޮމިޝަނަރ އޮފް ޕޮލިސް އާސިމް ޢަބްދުﷲ ވިދާޅުވީ މި ފޯރަމަކީ އަންނަ އަހަރު ހާސިލުކުރަން ބޭނުންވާ ލަނޑުދަނޑިތައް ކަނޑައެޅައި ފުލުހުންގެ ހިދުމަތް ހަރުދަނާކުރެވޭނެ ގޮތްތައް ދެނެގަތުމަށް ލިބޭ މުހިންމު ފުރުސަތެއް ކަމަށެވެ. އަދި އަންނަ އަހަރަށް ހުޅުމާލެ ޕޮލިސްގެ މަސައްކަތްތައް އެކުލަވައިލަންވާނީ ދިވެހި ފުލުހުންގެ ޚިދުމަތުގެ ސްޓްރެޓެޖިކް ޕްލޭނާ އެއްގޮތަށް ކަމަށް ވިދާޅުވިއެވެ. އޭގެ އިތުރުން އަންނަ އަހަރުގެ ހުޅުމާލޭގެ އެކްޓިވިޓީ ކަލަންޑަރު އެކުލެވިގެން ދާންވާނީ އޮޕަރޭޝަނަލް ޕޮއިންޓް އޮފް ވިއުއިން އެ އުސޫލުތައް ފެންނަން އޮންނާނެހެން އަދި ނަތީޖާ ނެރެވޭނެ ފަދަ އިންތިޒާމެއްގެ ތެރެއިން ކަމަށް ވެސް ވިދާޅުވިއެވެ. އަދި އެކްޓިވިޓީ ކަލަންޑަރު ތައްޔާރުކުރާއިރު، މުވައްޒަފުންގެ ގާބިލުކަމާއި ވަސީލަތްތަކާއި ނަތީޖާ ނެރެވޭނެ ފަދަ ކަންކަމާ އަދި މުޖުތަމައުގެ ބައިވެރިވުމާއި ކުންމަދުކުރުމާއި، އާންމުންގެ ރައްކާތެރިކަން ކަށަވަރުކުރުމުގައި ހުޅުމާލޭގެ ރައްޔިތުންނާ މުއައްސަސާތަކާއި ޖަމުއިއްޔާތަކުގެ ބައިވެރިވުން އިތުރުކުރެވޭނެ ހަރަކާތްތައް ހިމަނަންޖެހޭނެ ކަމަށް ވިދާޅުވިއެވެ.



.png)

ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.