އެއާރޕޯޓު ކްލަސްޓާއިން އިތުރު ބަޔަކު ފައްސި ވެއްޖެ،ޖުމުލަ އަދަދު 102 އަށް
ވެލާނާ އިންޓަރނޭޝަނަލް އެއަރޕޯޓުގެ ކްލަސްޓާއަކުން އިތުރު 102 މީހުން ކޮވިޑު-19 އަށް ފައްސިވެއްޖެއެވެ.
އެއަރޕޯޓުގެ ކާގޯ ޑިޕާޓުމެންޓުން މިމަހު ފަސްވަނަ ދުވަހު އެކަކު ފައްސިވެފައި ވާއިރު، މިމަހު 12 ވަނަ ދުވަހު ވަނީ އިތުރު ފަސް މީހަކު ކޮވިޑު-19 އަށް ފައްސި ވެފައެވެ. އަދި 13 ވަނަ ދުވަހު އިތުރު ހަތް މީހަކު ފައްސިވެފައި ވާއިރު، މިމަހު 15 ވަނަ ދުވަހު ތިން މީހަކު ވަނީ ފައްސިވެފައެވެ. އަދި މިމަހު 18 ވަނަ ދުވަހު ވެލާނާ އިންޓަރނޭޝަނަލް އެއަރޕޯޓުން ގިނަ ބަޔަކު ވަނީ ކޮވިޑު-19 އަށް ފައްސިވެފައެވެ.
މިއަދު ވެސް އެއަރޕޯޓުން އިތުރު ބަޔަކު ކޮވިޑު-19 އަށް ފައްސިވެފައި ވާއިރު، އެޗްޕީއޭ އިން ބުނެފައިވަނީ، މިހާތަނަށް އެއަރޕޯޓުގެ ކްލަސްޓާއިން ޖުމުލަ 102 މީހަކު ކޮވިޑު-19 އަށް ފައްސިވެފައި ވާކަމަށެވެ.
އޭގެތެރޭގައި ކާގޯ ޑިޕާޓުމެންޓުގައި މަސައްކަތް ކުރާ ބައެއް މުވައްޒަފުންގެ އިތުރުން، އެއާޕޯޓްގައި މަސައްކަތް ކުރަމުންދާ ޗައިނާގެ ކުންފުންޏެއް ކަމަށްވާ ޗައިނާ ހާބަ އިންޖިނިއަރިން ކޮމްޕެނީގެ ބައެއް މުވައްޒިފުންނާއި، ޗައިނާ ކޮމިއުނިކޭޝަން ކޮމްޕެނީގެ މުވައްޒިފުންތަކެއް ހިމެނެއެވެ.
އެއަރޕޯޓު ކްލަސްޓާއިން ފައްސިވެފައިވާ މީހުންގެ ކްލޯޒް ކޮންޓެކްޓު ޓްރޭސިންގެ މަސައްކަތް ކުރެވެމުން ދާއިރު، މިހާތަނަށް ކްލޯޒް ކޮންޓެކްޓުންގެ ގޮތުގައި ޖުމުލަ 191 މީހަކު ވަނީ ފާހަގަ ކުރެވިފައެވެ.
