7 ފޫޓު އުސްމިން ހުންނަ ރާޅާއެކު ރަށްރަށަށް އުދަ އަރާފާނެ: މެޓު އޮފީސް
ރާއްޖޭގެ އެކި ހިސާބުތަކަށް ވިއްސާރަ ކުރާނެ ކަމަށާއި، ބައެއް ރަށްރަށަށް އުދައެރުމަކީ އެކަށީގެންވާ ކަމެއް ކަމަށް ގައުމީ މޫސުމާ ބެހޭ އިދާރާ ،މެޓުން ވިދާޅުވެއްޖެއެވެ.
ކުރިއަށް އޮތް 24 ގަޑިއިރު ތެރޭގައި ރާއްޖޭގެ އެކި ހިސާބުތަކަށް ބޯކޮށް ވާރޭ ވެހޭނެ ކަމަށާއި، އަދި ބައެއް ރަށްތަކަށް ގުގުރުން ވެސް އެކަށީގެން ވާކަމަށް މެޓް އިން ވަނީ ވިދާޅުވެފައެވެ.
އަދި ހުޅަނގާއި ހުޅަނގު އުތުރުން ހުރިހާ ހިސާބަކަށް ވެސް ގަޑިއަކު 15 މޭލާއި 25 މޭލާ ދެމެދުގެ ބާރުމިނުގައި ވައި ޖެހޭނެ ކަމަށް މެޓް އިން ވިދާޅުވެފައި ވާއިރު، ވިލާގަނޑުގައި ގަޑިއަކު ގާތްގަނޑަކަށް 45 މޭލަށް ވައިގަދަވުން އެކަށީގެންވާ ކަމަށް ވެސް މެޓް އޮފީހުން ވަނީ ވިދާޅުވެފައެވެ.
ރާއްޖޭގެ ކަނޑުތައް އާދައިގެ ވަރަަކަށް ގަދަވާނެ ކަމަށާއި، ރާޅުގެ އުސްމިން އުޅޭނީ ގާތްގަނޑަކަށް 5 ފޫޓާއި 7 ފޫޓާއި ދެމެދު ކަމަށް ވެސް މެޓް އޮފީހުން ވަނީ ވިދާޅުވެފައެވެ. އަދި ކަނޑު ދަތުރު ކުރާ ހުރިހާ ފަރާތްތަކަކަށް ވެސް މޫސުމަށް ސަމާލުވުމަށް މެޓް އޮޮފީހުން ވަނީ އިލްތިމާސް ކޮށްފައެވެ
މެޓް އޮފީހުން މިއަދު މެންދުރު ވިދާޅުވީ، ރާއްޖޭގެ އިރުދެކުނުން، ދެކުނު އިންޑިއާ ކަނޑުގައި އުފެދިފައިވާ ކޮޅިގަނޑު އަންނަނީ އިތުރަށް ބާރުގަދަ ވަމުން ކަމަށެވެ.
