މެސީ އާއި ރޮނާލްޑޯގެ ކުރިމަތިލުން މިރޭ! މެޗު ބަލަން ތައްޔާރުތަ؟
އެއްވެސް ޝައްކެއް ނެތް ގޮތުގައި މިޒަމާނުގެ ފުޓްބޯޅައިގައި އެންމެ ވާދަވެރި ދެ ކުޅުންތެރިންނަކީ އާޖެންޓީނާއަށް ނިސްބަތްވާ ލިއޮނެލް މެސީ އާއި ޕޯޗުގަލްގެ ކްރިސްތިއާނޯ ރޮނާލްޑޯ އެވެ. އަނެއްކާވެސް ދުވަސްތަަކަކަށް ފަހުގައި މި ދެ ކުޅުންތެރިންގެ ކުރިމަތިލުމެއް މިރޭ އޮތްްްއިރު މިރޭގެ މެޗު ބަލަން ތައްޔާރު ހެއްޔެވެ؟
މިއަހަރުގެ އޮކްޓޫބަރު މަހު ޗެމްޕިއަންސް ލީގުގެ ގުރު ނެގުމާއެކު ގިނަ ބަޔަކު އެދިގެން ތިބިގޮތަށް ރޮނާލްޑޯ ކުޅެމުން އަންނަ ޔުވެންޓަސް އާއި މެސީގެ ބާސެލޯނާ ލައްވާލީ އެއް ގުރޫޕަކަށެވެ.
ގްރޫޕް ޖީގައި މި ދެ ޓީމު ލައްވާލި އިރު، މިހައިތަނަށް ބާސާ އޮތީ ކުޅުނު ހުރިހާ މެޗެއް ކާމިޔާބު ކޮށްގެން 15 ޕޮއިންޓާއި އެކު ތާވަލުގެ އެއް ވަނައިގައެވެ. ދެވަނައިގައި ޔުވެންޓަސް އޮތީ އެއް މެޗުން ބަލިވެގެން 12 ޕޮއިންޓާއި އެކުގައެވެ. މި ދެ ޓީމުންވެސް ލީގުގެ ދެވަނަ ބުރުން ޖާގައެއް ކަށަވަރު ކޮށްފައިވީ ނަމަވެސް، މި މެޗު ފަސޭހަ ނުުކުރާނެކަމަށް ދެ ޓީމުންވެސް ވަނީ ބުނެފައެވެ.
މިރޭގެ މެޗަކީ ރޮނާލްޑޯ ޔުވެންޓަސް އަށް ބަދަލުވިފަހުން މެސީއާ ދެކޮޅަށް ކުޅޭ ފުރަތަމަ މެޗުކަމުން ގިނަ ބަޔަކު ތިބީ މިރޭގެ މެޗު ބެލުމަށް ކެތް މަދުވެފައިކަން ފާހަގަކޮށްލެވެއެވެ.
ރާއްޖެ ގަޑިން މިރޭ ދަންވަރު 01:00 ގައި މެޗު ކުޅުމަށް ހަމަޖެހިފައިވާއިރު، ޔުވެންޓަސް އިން ތާވަލުގެ އެއްވަނައިގައި ގްރޫޕް ސްޓޭޖު މެޗުތައް ނިންމާލަން ބޭނުން ނަމަ 2 ލަނޑުގެ ތަފާތުން މެޗު ކާމިޔާބު ކުރަން ޖެހޭނެއެވެ. މިރޭގެ ފޯރިގަދަ މެޗު ބެލުމަށް ތައްޔާރު ހެއްޔެވެ؟
Ads by STO
