ރޯގާގެ އަލާމާތެއް ހުރިނަމަ ހޮސްޕިޓަލަށް ދާއިރު މާސްކު އަޅަން އައިޖީއެމްއެޗުން އެދިއްޖެ

ރޯގާގެ އެއްވެސް އަލާމަތެއް ހުރިނަމަ ހޮސްޕިޓަލަށް ދާއިރު މާސްކު އަޅަން އައިޖީއެމްއެޗުން އިލްތިމާސްކޮށްފި އެވެ.

އެ ހޮސްޕިޓަލުގެ ރަސްމީ އެކައުންޓުން މިރޭ 'އެކްސް' ގައި އާއްމުކުރި ޕޯސްޓެއްގައި ބުނީ، ހައްޖުގެ އަޅުކަމަށް ދިޔުމަށް ފަހު އެނބުރި ރާއްޖެ އައި ފަރާތްތަކަށް ހާއްސަކޮށްގެން ހުޅުވި ފްލޫކްލިނިކުން ހިދުމަތް ހޯދާ ފަރާތްތައް މަދުވެފައިވާ ކަމަށެވެ.

އެހެންވެ މިއަދުން ފެށިގެން ފްލޫ ކްލިނިކުގެ ހިދުމަތް ހުއްޓާލާފައިވާ ކަމަށެވެ.

އެކަމަކު ހޮސްޕިޓަލުން ހިދުމަތް ހޯދާ ފަރާތްތަކުން ރޯގާގެ އެއްވެސް އަލާމާތެއް ހުރެއްޖެނަމަ މާސްކު އެޅުމަށް އައިޖީއެމްއެޗުން އިލްތިމާސްކުރެ އެވެ.