އިތުރު 43 މީހަކު ކޮވިޑަށް ފައްސިވެއްޖެ
ރާއްޖެ އިން އިތުރު 43 މީހަކު ކޮވިޑަށް ފައްސިވެއްޖެއެވެ.
އެޗްޕީއޭ އިން ދާދި ދެންމެއަކު ކުރި ޓްވީޓެއްގައި ބުނެފައިވަނީ މިއަދު ހެނދުނު 10 ޖެހުމާއި ހަމައަށް އިތުރު 43 މީހަކު ފައްސިވެފައިވާ ކަމަށާއި، މީގެ ތެރޭގައި ހިމެނެނީ 10 ދިވެހިންނާއި، 28 ބަންގްލަދޭޝް މީހުންނާއި، އިންޑިއާ 4 މީހެއްގެ އިތުރުން ނޭޕާލް މީހެއް ކަަމަށެވެ.
އެއާއެކު ރާއްޖެއިން ފައްސިވި މީހުންގެ ޖުމްލަ އަދަދު ވަނީ 1186 އަށް އަރާފައެވެ.
ރާއްޖެއިން ކޮވިޑް19 ޖެހުނު މީހުންގެ ތެރޭގައި އެންމެ ގިނައީ ބިދޭސީންނެވެ. އޭގެ ތެރެއިން ވެސް ބަންގްލަދޭޝް މީހުން ގިނަ ކަން ފާހަގަކޮށްލަން ޖެހެއެވެ. އެގތޮުން މިހާތަނަށް ބަންގްލަދޭޝް އިން ޖުމްލަ 609 މީހުން ވަނީ މި ބައްޔަށް ފައްސިވެފައެވެ.
މިހާތަނަށް މި ބަލި ޖެހިފައިވަނީ 414 ދިވެހިންނަށެވެ.
ރާއްޖެއިން ބަލި ޖެހުނު މީހުންގެ ތެރެއިން 81 މީހަކަށް ބަލިން ޝިފާ ލިބިފައިވާއިރު 4 މީހަކު ވަނީ މި ބަލީގައި ނިޔާވެފައެވެ.
