ވެކްސިން ޖަހަން ކެރޭނެތަ؟ މިއޮތީ ކޮވިޑު-19 ވެކްސިން ޖަހާނެ ގޮތާއި ޖެހުމުން ކުރާނެ އަސަރު!
ދުނިޔެއަށް މި ފެތުރިފައިވާ ނުރައްކާތެރި ކޮވިޑު-19 ގެ ވަބާއިން ސަލާމަތް ވުމުގެ ގޮތުން ދުނިޔޭގެ އެކި ފާމަސޫޓިކަލް ކޮލެޖުތަކުންނާއި އެކި ސިއްހީ މާހިރުން އެއްވެ މިހާރު އެތައް ވައްތަރެއްގެ ވެކްސިނެއް ވަނީ އުފައްދައިފައެވެ.
އެގޮތުން މިހާރު ބައެއް ވެކްސިންތައް އެއްބައި ގައުމުތަކުގައި ދޭއިރު އޭގެ އަސަރުތަކާއި ޖަހާނެ ގޮތާއި އަދި ބައެއް ސައިޑް އިފެކްޓުތައް ވަނީ ސިއްހީ މާހިރުންގެ ފަރާތުން އެނގިފައެވެ. އެކަމާ ގުޅިގެން އެތައް ބޭފުޅުންނެއް ވަނީ އާންމުން ހޭލުންތެރި ކުރުމަށް ޓަކައި ސޯޝަލް މީޑިއާގެ އެކު މަންސަ ތަކުގައި ހިއްސާ ވެސް ކޮށްފައެވެ.
މެޑިކަލް ދާއިރާއިން ޕީއެޗްޑީ ހައްދަވައިފައިވާ ބޭފުޅެއް ކަމުގައިވާ ޑރ ފްލޯރިއަން ކްރެމާ ޓުވީޓެއްގެ ޒަރިއްޔާއިން ވަނީ އޭގެ ސަބަބުން ކުރާނެ އަސަރުތައް ކިޔައިދީފައެވެ. އެބޭފުޅާ ކިޔަދީފައިވާ ގޮތުގައި އެހެން އިންޖެކްޝަންތައް ޖެހުމާ ޚިލާފަށް މި އިންޖެކްޝަން ޖެހުމުން ޖަހާ ތަނެއްގައި ޖަހާ ވަގުތުގައި ވެސް ރިއްސާނެ ކަމަށެވެ.
އަދި މީހާގެ ގައިން އެއްކޮށް ހަކަތަ މަދުވެ، ބޮލުގައި ރިއްސާ އަދި ހުން އައުމަކީ ވެސް ހަމަ މި ވެކްސިން ގެ ސަބަބުން ދިމާވާނެ ކަންކަން ކަމުގައެވެ. އަދި މިފަދަ ކަންކަމަކީ އެބޭފުޅާ ގަބޫލު ކުރައްވާ ގޮތުގައި އާންމުންނަށް އެނގިފައި އޮންނަން ޖެހޭ މައުލޫމާތު ތަކެއް ކަމަށާއި، ދުވަހުގެ މަސައްކަތް ނުކުރެވޭ ވަރަށް މީހާ ގައިގައި ރިއްސާ ހަކަތަ މަދު ވެގެން ދާނެ ކަމަށް އެ ޓުވީޓުގައި ފާހަގަ ކުރައްވައިފައި ވެއެވެ.
ކޮންމެ ވެކްސިނަކީ ވެސް ކަށި މަސްގަނޑަށް ސީދަލަށް ޖަހާ އިންޖެކްޝަނެކެވެ. އަދި މި ކޮވިޑު-19 އަށް ތައްޔާރު ކުރެވިފައިވާ ވެކްސިނަކީ އެހެން ވެކްސިން ތަކާ ޚިލާފަށް ތަދު ވެސް ވާނެ އިންޖެކްޝަނެއް ކަން ސިއްހީ މާހިރުން އެ އަންނަނީ ވިދާޅުވަމުންނެވެ. ވީއިރު ސުވާލަކީ އެފަދަ އިންޖެކްޝަނެއް ޖަހައިގެން ކޮވިޑު-19 ފަދަ ބޮޑު އަދި ބިރުވެރި ބައްޔަކުން ސަލާމަތް ވެވޭ ކަމުގައި ވަނީނަމަ އެ އިންޖެކްޝަން ޖަހަން ޖެހިލުން ވާންވީ ސަބަބަކީ ކޮބައިތޯއެވެ؟
އެބަލި ފެތުރުން ހުއްޓިއްޖެއްޔާރަނގަޅު ތި ޖަހައިގެންވެސް