2020 ވަނަ އަހަރު ޔޫޓިއުބުން އެންމެ ބޮޑު އާމްދަނީއެއް ލިބުނީ 9 އަހަރުގެ ރިޔާން އަށް

ނިމިގެން މިދާ 2020 ވަނަ އަހަރުގައި ޔޫޓިއުބުން އެންމެ ބޮޑު އާމްދަނީއެއް ހޯދި ފަރާތަކަށް އުމުރުން 9 އަހަރުގެ ރިޔާން ހޮވިއްޖެއެވެ.

ބޭރުގެ ނޫހެއް ކަމަށްވާ "ފޯބްޒް މެގަޒިން" ގައި ބުނެފައިވަނީ މި ކުއްޖާއަކީ 2015 ވަނަ އަހަރުން ފެށިގެން ވެސް ޔޫޓިއުބު ޗެނަލެއް ހަދައިގެން ވީޑިއޯތައް އަޅަމުން އަންނަ ކުއްޖެއް ކަމަށެވެ. މި ކުއްޖާގެ ޔޫޓިއުބު ޗެނަލްގެ ނަމަކީ "ރިޔާންސް ވޯލްޑް" އެވެ.

2020 ވަނަ އަހަރުގެ ތެރޭގައި ރިޔާން ވަނީ 29.5 މިލިއަން ޔޫއެސް ޑޮލަރާ ގާތްކުރާ އަދަދަކަށް އާމްދަނީ ހޯދައިފައެވެ. މިއީ މިހާތަނަށް 2020 ވަނަ އަހަރު ލިބުނު އެންމެ ބޮޑު އާމްދަނީކަމަށް ވެސް އެ ނޫހުގައި ވެއެވެ.

ރިޔާން އަޅަމުންދާ ވީޑިއޯތަކަކީ އޭނާ ކުޅެން ގެންގުޅޭ ސާމާނުތައް ކެނޑުމުގައި ބޭނުންކުރާ އުކުޅުތަކުގެ ވީޑިއޯއެވެ. އަދި މިހާރު ރިޔާން އަކީ ގިނަ ބައެއްގެ މަގުބޫލުކަން ހޯދައިފައިވާ ކުއްޖެކެވެ. ރިޔާންގެ ޔޫޓިއުބު ޗެނަލްގައި ޖުމުލަ 27.5 މިލިއަން ސަބްސްކްރައިބާސް ހިމެނެއެވެ. އާންމުކޮށް އެފަދަ ވީޑިއޯ ރިޔާން އެޅިކަމުގައި ވީނަމަވެސް ބައެއް ކަހަލަ އެކްސްޕެރިމެންޓުތަކުގެ ވީޑިއޯތައް ވެސް ރިޔާން ގެ ޔޫޓިއުބު ޗެނަލްގައި އޭނާ ހިއްސާ ކޮށްފައި ވެއެވެ.