ޒަކާތާ ގުޅޭ ހާއްސަ ލެކްޗާ ސިލްސިލާއެއް ޑރ. ޝަހީމް ގެނެސްދެނީ!
ޒަކާތާ ގުޅޭ ހާއްސަ ލެކްޗާ ސިލްސިލާއެއް ކުރީގެ އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ގެނެސްދޭން ނިންމަވައިފިއެވެ.
ޝަހީމް ކުރެއްވި ޓްވީޓެއްގައި ވިދާޅުވީ މި ލެކްޗާތަކުގައި އިސްލާމީ ފިޤުހީ އުޞޫލުތަކާއި ޤަވާޢިދުތަކާއި އިސްލާމީ ޝަރީޢަތުގެ މަޤުޞަދުތަކާއި އެއްގޮތްވާގޮތުގެ މަތީން މިޒަމާނުގައި މުދަލު ޒަކާތުގެ ފައިސާ ނަގައި އޭގެ ޙައްޤުވެރިންނަށް ބެހުމާއި ޒަކާތުގެ ކަންކަން މެނޭޖްކުރުމުގެ ޒަމާނީ އިދާރީ، ޤާނޫނީ ނިޒާމެއްގެ ތަޞައްވުރު ގެނެސްދެވޭނެ ކަމަށެވެ.
މި ލެކްޗާތަކުގައި މައިގަނޑު ގޮތެއްގައި އަލިއަޅުވާލާނީ:
- ޤުރުއާނާ ސުންނަތުގެ އަލީގައި ޒަކާތު
- ދިވެހިރާއްޖޭގެ ޒަކާތުގެ ތާރީޚު
- ޒަކާތުގެ ބެހެނިވެރިންގެ މިޒަމާނުގެ ނަޒަރިއްޔާ
- ޒަކާތާގުޅޭ މިޒަމާނުގެ ޢާއްމު އަޙުކާމު
އިސްލާމީ ފިޤުހީ އުޞޫލުތަކާއި ޤަވާޢިދުތަކާއި އިސްލާމީ ޝަރީޢަތުގެ މަޤުޞަދުތަކާއި އެއްގޮތްވާގޮތުގެ މަތީން،މިޒަމާނުގައި މުދަލު ޒަކާތުގެ ފައިސާ ނަގައި އޭގެ ޙައްޤުވެރިންނަށް ބެހުމާއި ޒަކާތުގެ ކަންކަން މެނޭޖްކުރުމުގެ ޒަމާނީ އިދާރީ،ޤާނޫނީ ނިޒާމެއްގެ ތަޞައްވުރު pic.twitter.com/GHYECh3tcG
— Mohamed Shaheem Ali Saeed (@Mohamedshaheem1) June 1, 2020
ޑރ. ޝަހީމް ނަންގަވައިދެއްވާ މި ލެކްޗަރ އޮންނާނީ ކޮންމެ ހޮނިހިރު ދުވަހަކު މާލެ ގަޑިން 17:30 ގައި އެމަނިކުފާނުގެ ފޭސްބުކް ލައިވް މެދުވެރިކޮށެވެ.
