"ވިހި އެކާވީހަށް އަމާޒަކީ ރައީސް ޔާމީން މިނިވަންކޮށް އިންތިޚާބު ކާމިޔާބު ކުރުން"
މިފެށުނު 2021 ވަނަ އަހަރު ޕްރޮގްރެސިވް ކޮންގްރެސް ކޯލިޝަނުން އެންމެ އިސް ކަމެއް ދޭނީ އިދިކޮޅު ލީޑަރު އަދި ކުރީގެ ރައީސް އަބްދުﷲ ޔާމީން އަބްދުލް ޤައްޔޫމް މިނިވްނ ކުރުމަށާއި، ލޯކަލް ކައުންސިލް އިންތިޚާބު ކާމިޔާބު ކުރުމަށް ކަމަށް އެ ކޯލިޝަނުން ހާމަކޮށްފިއެވެ.
އައު އަހަރުގެ ތަހުނިޔާ ފޮނުވައި، އިދިކޮޅު ކޯލިޝަނުން ނެރުނު ބަޔާނުގައި ބުނެފައިވަނީ، 2020 ވަނަ އަހަރަކީ ، މިސަރުކާރުން ވަރަށް އަނިޔާވެރިކަމާއެކު ބަންދުކޮށްފައިވާ ރައީސް ޔާމީން ހުރަގެއިން މިނިވަން ކުރުމަށް އެ ކޯލިޝަނުން ގިނަ ގުނަ މަސައްކަތް ތަކެއް ކުރި އަހަރެއް ކަމަށެވެ. އެގޮތުން އެ މަސައްކަތްތަކުގެ ތެރެއިން ސިޔާސީ ހަރަކާތްތައް އިތުރަށް ވަރުގަދަވެ، މެންބަރުން އިތުރުވެ، ސިޔާސީ ހަރަކާތްތައް ނިމިދިޔަ އަހަރު ފުޅާވެ ވަރުގަދަވެގެން ދިޔަ ކަމަށް ވެސް ބުނެފައި ވެއެވެ.
އަދި ހަމައެހެންމެ ކޯލިޝަންގ ސްޓިއަރިންގް ކޮމިޓީތައް އުފެދި ރާއްޖޭގެ އެކި ކަންކޮޅުތަކުގައި ރުކުރުވާލެވި ކޯލިޝަންގެ ސިޔާސީ ހަރަކާތްތައް ހަރުދަނާ ނިޒާމެއްގެ ތެރެއިން ފެށިގެން ދިއުމަކީ ވަރަށް ބޮޑު ކުރިއެރުމެއް ގޮތުުގައި ވެސް އެ ބަޔާނުގައި ސިފަ ކޮށްފައި ވެއެވެ.
2020 ވަނަ އަހަރަކީ މުޅި ދުނިޔެއަށާއި ރާއްޖެއަށް ވެސް ވަރަށް ހިތްދަތިކަމާއި ނުތަނަވަސް ކަން ކުރިމަތިވި އަހަރަކަށް ވީއިރު، ކޮވިޑް-19 ގެ ސަބަބުން ދުނިޔެއަށް ކުރިމަތިވި އިޤްތިޞާދީ ހީނަރުކަމާއި ދަތިކަން ރާއްޖެއަށް ވެސް ކުރިމަތިވެފައިވާ ކަމަށް އެ ބަޔާނުގައި ފާހަގަ ކޮށްފައި ވެއެވެ.
މީގެ އިތުރުން ރައްޔިތުންނަށް ކުރިމަތިވި ހިތްދަތިކަމާއި ނިކަމެތިކަން އިތުރުވެގެން ދިޔައީ ސަރުކާރުގެ ނާގާބިލު ކަމާއި، ދޯހަޅި ސިޔާސަތުތަކުގެ ސަބަބުން ކަމަށާއި، މުޅި ނިޒާމު ކޮރަޕްޝަންގެ ހާއްޔަކަށް ވެ ރައްޔިތުން ފުރަބަންދުގައި ބައިތިއްބައިގެން ރައްޔިޔުންގެ ބައިތުލްމާލު ހުސްކޮށް އެކި ނަންނަމުގައި ރައްޔިތުންގެ ފައިސާއިން ކޮރަޕްޝަންގެ ބޮޑެތި އަމަލުތައް ހިންގުމުގެ ސަބަބުން ކަމަށް ވެސް ބަޔާނުގައި ބުނެފައި ވެއެވެ.
އިދިކޮޅުގެ ބަޔާނުގައި އިތުރަށް ބުނެފައިވަނީ މި ފެށުނު 2021 ވަނަ އަހަރު ވެސް އެންމެ އިސް ކަމެއް ދޭނީ ރައީސް ޔާމީން މިނިވަން ކުރުމުގެ މަސައްކަތަށް ކަމަށެވެ. އަދި ލޯކަލް އިންތިޚާބު ކާމިޔާބު ކުރުމުގެ އަމާޒަކީ ކޯލިޝަންގެ ސިޔާސީ ހަރަކާތްތައް އިތުރު ހަރުފަތަކަށް ގެންދިޔުން ކަމުގައި ވެސް އެބަޔާނުގައި ވެއެވެ.
ޔާމީން އަކަށް ނުލިބޭނެ .ރާއްޖޭގެ ވެރިކަން ދެން..
އެސޮރު ގެ ގެއަކީ ޖަލުކަމުގައި ހެދުން ކިހިނެއްތޯ!