އައްޑޫ މީހުންގެ ޖީބަށް ވަންނާނީ ޑޮލަރުގެ ބަދަލުގައި ޕައުންޑް: ޑރ. މައުސޫމް
ދިވެހިރާއްޖޭގެ ފަތުރުވެރިކަމުގެ ސިނާޢަތް ފުޅާވުމާއެކު، ދިވެހިންގެ ޖީބަށް ޑޮލަރު ވަތް ނަމަވެސް އޭގެ ބަދަލުގައި އައްޑޫ މީހުންގެ ޖީބަށް ވަންނާނީ ޕައުންޑު ކަމަށް ޓޫރިޒަމް މިިނިސްޓަރު އަބްދުﷲ މައުސޫމް ވިދާޅުވެއްޖެއެވެ.
މިނިސްޓަރު މައުސޫމު މިހެން ވިދާޅުވެފައި ވަނީ އައްޑޫގައި މިއަދު ބޭއްވި ރަސްމިއްޔާތެއްގައެވެ. އެގޮތުން އެދުވަސްވަރު އައްޑޫގެ ވިޔަފާރިތަކަށް ޕައުންޑު ބޭނުންކުރުމާ ގުޅިގެން އަދި އިނގިރޭސިން އައްޑޫގައި އުޅުނު އިރު ހަބަކަށް ބަދަލުވުމާ ގުޅިގެން އައްޑޫގެ އެތައް ބަޔަކު މުއްސަނދިވީ ވެސް ޕައުންޑުން ފެށި ވިޔަފާރިތަކަކުން ކަމަށް މިނިސްޓަރު މައުސޫމް ވަނީ ވިދާޅުވެފައެވެ.
މީގެ އިތުރުން އައްޑޫގެ ޝިޕްރެކަށް 75 އަހަރު ފުރުން ފާހަގަ ކުރުމާ ގުޅިގެން އައްޑޫގައި ބޭއްވި ރަސްމިއްޔާތުގައި މިނިސްޓަރު މައުސޫމް ވިދާޅުވީ މިއަހަރު އައްޑޫގައި ޓޫރިޒަމް ވަރަށް ބޮޑަށް ކުރިއަރައިގެން ދާނެ ކަމަށް އުއްމީދު ކުރާ ކަމަށާއި، ޓޫރިޒަމަކީ ދިވެހިންގެ ދިވެހިންގެ ދާއިރާއެއް ކަމަށާއި، އައްޑޫގައި މިވަގުތު ހުޅުވިފައިވާ ދެ ރިސޯޓު ބަންދު ކުރެވިފައި އޮތުމަކީ އެތަންތަނުގައި ވަޒީފާގައި އުޅޭ މުވައްޒަފުންނަށް ލިބިގެން ދިޔަ ގެއްލުމެއްކަމަށް މިނިސްޓަރު ވަނީ ފާހަގަ ކުރައްވައިފައެވެ. އަދި މިކަމަށް އަވަސް ހައްލެއް ލިބޭނެ ކަމަށް އުއްމީދު ކުރައްވާ ކަމަށް ވެސް މިނިސްޓަރު މައުސޫމް ވަނީ ވިދާޅުވެފައެވެ.
