ހަތް މީހަކު ޕޮޒިޓިވްވެ ދެއްވަދޫއަށް އަރައި ފޭބުން މަނާކޮށްފި
ގއ.ދެއްވަދޫން ކޮވިޑް-19 އަށް ފައްސިވި މީހަކާއި ބައްދަލުވި އިތުރު ހަތް މީހަކު ކޮވިޑް-19 އަށް ފައްސިވުމުން އެރަށަށް އަރައި ފޭބުން މަނާކޮށް ރަށް މޮނިޓަރިން ހާލަތަށް ގެނެސްފިއެވެ.
ދެއްވަދޫ ކައުންސިލް އިން ވިދާޅުވީ، ގއ. ދެއްވަދޫއިން 06 ޖަނަވަރީ 2021 ވަނަ ދުވަހު ކޮވިޑް19 އަށް ފައްސިވި މީހާއާ ކޮންޓެކްޓްވި 7 މީހުންގެ ސާމްޕަލްތައް ވެސް ފައްސިވެފައިވާ ކަމަށާއި އަދި ރައްޔިތުން ރައްކާތެރިކަމުގެ ފިޔަވަޅު އަޅުއްވައި ގޭގައި ތިއްބެވުމަށް އިރުޝާދު ދެއްވާ ކަމަށެވެ.
މިއީ ޝީ ބިލްޑިންގައި ބޭއްވި ކައިވެނި ޕާޓީ އާ ގުޅުން ހުރި ކޭސްތަކެއް ކަމަށް ވެސް ކައުންސިލުން ވަނީ ވިދާޅުވިއެވެ. އެގޮތުން ފައްސިވެފައި ވަނީ އެ ޕާޓީގައި ބައިވެރިވި އުމުރުން 2 އަހަރުގެ ކުއްޖާއާ ކޮންޓެކްޓް ވި ބައެއް ކަމަށާއި އޭގެ ތެރޭގައި ހައި ރިސްކު މީހުން ވެސް ހިމެނޭކަމަށް ކައުންސިލުން ވަނީ ހާމަކޮށްފައެވެ.
ފައްސިވެފައި ވަނީ އެކި ގޭގޭގައި ދިރިއުޅޭ މީހުންނެވެ.
އެރަށުގައި އޮތީ ކޮމިއުނިޓީ ސްޕްރެޑެއް ކަމަށްވުމާއެކު، އެރަށުގެ މިސްކިތްތަކުގައި ޖަމާއަތުގައި ނަމާދުކުރުން ހުއްޓާލާފައިވާއިރު، ރަށަށް އެރުން ވެސް ވަނީ މަނާ ކޮށްފައެވެ.
އަޅެކަރަންޓީނު ފުރިހަމަކޮށް ނައްސި ވުމުން މީހުނާ ބައްދަލު ކުރެވުނުނަމަ މިހާރު ކިހާ ދެރަ .
މީ ހުރިހާމީހުންވެސް ސަމާލުވަންވެއްޖެ ކަމެއް .ކަމެއް ދިމާވުމުން އެއުފުލަންޖެހޭ ތަކުލީފު މާބޮޑު.
ވީކަމެއްވެއްޖެ ދެންވެސް އޮތީ އެކަކު އަނެކަކަށް ހިތްހެޔޮކޮށް ބަލި އެއް ކޮށްނައްތަޅުަން މަސައްކަތްކުރުން އިންޝާﷲކާމިޔާބުވާނެ