ދެއްވަދޫއަށް ދަތުރުކުރިތާ 14 ދުވަސް ނުވާ މީހުން ކަރަންޓީނަށް
ގއ. ދެއްވަދޫއަށް މިދިޔަ ޑިސެމްބަރު މަހުގެ 25 ގެ ފަހުން ދަތުރު ކޮށްފައިވާ ފަރާތެއްްނަމަ ކޮވިޑަަށް މިހާރު ޓެސްޓް ކުރުމުގެ އިތުރުން ދެއްވަދޫއިން ދަތުރު ކުރިތާ 14 ދުވަސް ފުރިހަމަ ވަންދެން ކަރަންޓީނުވުމަށް ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން އެދިއްޖެ އެވެ.
ދެއްވަދޫއަށް ދަތުރު ކުރި މީހުންގެ ތެރެއިން 14 ދުވަސް ފުރިހަމަ ނުވާމީހުން، އެމުއްދަތު ހަމަވަންދެން ކަރަންޓީނު ވުމަށް މިރޭ އެޗްޕީއޭއިން އަންގާފައިވާއިރު، އެއެޖެންސީން ބުނެފައިވަނީ ކަރަންޓީނު ނިމުމަށްފަހު ޓެސްޓްކޮށް ނަތީޖާ ލިބެންދެން ކަރަންޓީނުގައި ތިބެން ޖެހޭނެ ކަމަށެވެ.
އެޗްޕީއޭ އިން މިރޭ ވަނީ ދެއްވަދޫން އަތޮޅުތެރޭގެ އެއްވެސް ރަށަކަށް 30 ނޮވެމްބަރ 2020 އަށް ފަހު ގޮސްފައިވާ ފަރާތެއްވާނަމަ، ވީ އެންމެ އަވަހަކަށް އެރަށެއްގެ ހޮސްޕިޓަލް/ހެލްތު ސެންޓަރަށް އެންގުމަށް ވެސް އެދިލައްވާފައެވެ.
މީގެއިތުރުން 30 ނޮވެމްބަރުގެ ފަހުން ގއ. ދެއްވަދޫން އެހެން ރަށްރަށަށް ދަތުރުކުރައްވާފައިވާ ފަރާތްތަކުން ސާމްޕަލް ނަތީޖާ ނުލިބެނީސް ސްކޫލަށް، މަސައްކަތަށް އަދި އެހެނިހެން ކަންކަމުގައި ބޭރަށް ނުނުކުންނެވުމަށް ޚާއްސަ ސަމާލުކަން ދެއްވުމަށް ވެސް އެޗްޕީއޭ އިން އަންގާފައިވެއެވެ.
