އިންޑިއާ އާއެކު ގުޅުން ބަދަހި ކުރެވުމަކީ ލިބޭ ވަރަށް ބޮޑު އުފަލެއް : ރައީސް ޞާލިޙު
އަވަށްޓެރި އިންޑިއާ އާއެކު ގުޅުން ބަދަހިކޮށް ތަރައްޤީގެ މަޝްރޫއުތައް ކުރިއަށް ގެންދިއުމުގައި އިންޑިއާގެ އެހީތެރިކަމާއި އެއްބާރުލުން ލިބުން އެއީ ލިބިވަޑައިގަންނަވާ ވަރަށް ބޮޑު އުފަލެއް ކަމަށް ރާއްޖޭގެ ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙު ވިދާޅުވެއްޖެއެވެ،
އިންޑިއާގެ "ދަ ހިންދޫ" އަށް ދެއްވި އިންޓަވިއު އެއްގައި ރައީސް ޞާލިޙު ވިދާޅުވީ އެކަހެރި ވެފައިއޮތް ހާރިޖީ ސިޔާސަތު ދޫކޮށް އަވައްޓެރި ގައުމުތަކާ ގުޅުން ބަދަހި ކުރުމުން ގައުމީ ސަލާމަތާއި ރައްކާތެރިކަން އިތުރު ކުރެވި މިނިވަން މުސްތަގިއްލު ގައުމެއްގެ ގޮތުގައި ރާއްޖެ އަށް އިހްތިރާމް ލިބިގެންދާ ކަމަށެވެ.
"އަޅުގަނޑުމެން މަރުހަބާ ކިޔަން ހާރިޖީ ސިޔާސަތަށް ވެސް ލިބޭ ބިނާ ކުރުވަނިވި ފާޑުކިޔުންތަކަށް. ހާއްސަކޮށް ދުނިޔެއަށް ކުރިމަތިވެފައި މިއޮތް ކާރިސާގެ ހާލަތުގައި ބައިނަލްއަޤުވާމީ ގުޅުންތައް އަޅުގަނޑުމެންނަށް ވަރަށް މުހިއްމު" މި ގުޅުންތަކާ ޚިލާފު ވުމަކީ ވަރަށް ޒިންމާދާރުކަން ކުޑަ ޢަމަލެއް ކަމަށް ސިފަ ކުރައްވަމުން ރައީސް ޞާލިޙު ވިދާޅުވެފައިވެއެވެ.
މީގެއިތުރުން، ރާއްޖޭގެ ބަޖެޓް ހަމައެކަނި އިންޑިއާއަށް ބަރޯސާވެފައި އޮތުމުން އެކަމުގެ ކަންބޮޑުވުންތައް އޮޑިޓާ ޖެނެރަލް ފާހަގަ ކުރައްވާފައި ވާތީ އެކަމަށް އިޝާރާތްކޮށް ކުރި ސުވާލަކަށް ޖަވާބު ދެއްވަމުން ރައީސް ޞާލިހް ވިދާޅުވީ ރާއްޖެ އިން މަސައްކަތް ކުރަމުން ގެންދަނީ ބައިނަލްއަޤުވާމީ ހުރިހާ ފަރާތްތަކަކާ ވެސް ގުޅިގެން ކަމަށާއި ވަކި ގައުމަކަށް ރާއްޖެ ބަރޯސާ ނުވާކަމަށެވެ.
