ފެންބޮޑު ނުވާނެ ކަމަށް ބުނި ކަނބާ އައިސާ ރަނި ހިނގުމުގައި ފެންބޮޑުވެއްޖެ

ބޯކޮށް ވާރޭ ވެހި، މި މަހު ހުޅުވި ކަނބާ އައިސާ ރަނި ހިނގުމުގައި ވެސް ފެންބޮޑުވެއްޖެއެވެ.

Ads by MWSC

މި މަގުގައި ފެންބޮޑުވެފައި މިވަނީ އެ މަގުގައި ފެންބޮޑު ނުވާނެ ކަމަށް މާލޭ ސިޓީގެ ޑެޕިއުޓީ މޭޔަރު ޝަމާއު ޝަރީފު އިއްޔެ ވިދާޅުވެފައި ވަނިކޮށެވެ.

ނަމަވެސް ރޭ މާލެއަށް ކުރި ވިއްސާރައިގައި ކަނބާ އައިސަ ރަނި ހިނގުމުގައި ވަނީ މުޅިން ފެންބޮޑުވެފައެވެ.

ސިޓީ ކައުންސިލުގެ "ސްޓްރީޓްސްކޭޕިން" ޕްރޮޖެކްޓުގެ ދަށުން އެންމެ ފުރަތަމަ ތަރައްގީ ކުރަން ފެށި މަގަކީ ކަނބާ އައިސާ ރަނި ހިނގުމެވެ. މި މަގު ތަރައްގީ ކުރުމަށް ފަހު އަލުން ހުޅުވާލާފައި ވަނީ މި މަހު ކުރީ ކޮޅުގައެވެ.

ކަނބާ އައިސަ ރަނި ހިނގުމުގަިއ ފެންބޮޑުވެފައިވާ ފޮޓޯތައް މިހާރު ދައުރުވަމުން އަންނައިރު، ސިޔާސީ ފަރާތްތައް އަންނަނީ ސަރުކާރަށް ވަރަށް ބޮޑަށް ފާޑު ކިޔަމުންނެވެ.