ޗުއްޓީއަށް ފަހު މާލެ ވަޑައިގެން، ރައީސް ނަޝީދު ކަރަންޓީނަށް
އިނގިރޭސިވިލާތަށް ކުރެއްވި ދަތުރުފުޅު ނިންމަވާ ލެއްވުމަށްފަހު، ރައްޔިތުންގެ މަޖިލީހުގެ ރައީސް އަދި ކުރީގެ ރައީސް މުހައްމަދު ނަޝީދު ކަރަންޓީނުވެ ވަޑައިގެންފިއެވެ.
މަޖިލީސް ޗުއްޓީއަށް ވަޑައިގަތުމުން ރައީސް ނަޝީދު އަމިއްލަ ދަތުރުފުޅެއްގައި އިނގިރޭސިވިލާތުގައި ވަނީ އެއް މަސް ދުވަސް ހޭދަ ކުރައްވާފައެވެ.
އިނގިރޭސިވިލާތުގައި ފެތުރެމުންދާ ކޮވިޑް-19ގެ އައު ސްޓްރެއިން އާ ގުޅިގެން އެގައުމުން ރާއްޖެ އަންނަ ފަރާތްތައް 10 ދުވަހުގެ ކަރަންޓީނެއް ފުރިހަމަ ކުރަން ޖެހެއެވެ.
ރައީސް ނަޝީދު ކަރަންޓީނުވެ ވަޑައިގަންނަވަނީ ބ އަތޮޅުގެ ރިސޯޓެއްގައެވެ.
ދެ މަސް ދުވަހަށް މަޖިލިސް ޗުއްޓީއަށް ދިޔަ ނަމަވެސް، ލޯކަލް ކައުންސިލް އިންތިހާބު ބާއްވާ ތާރީހު އަވަސް ކުރުމަށްޓަކައި ހުރި ގާނޫނީ ހުރަސްތައް ނައްތާލުމަށް ގާނޫނަށް ގެންނަން ޖެހޭ ބަދަލުތައް ގެނައުމަށް ދައުރުން ބޭރުގައި މަޖިލީހުގެ ޖަލްސާތަކެއް ބޭއްވުމަށް ވަނީ ނިންމާފައެވެ.
Ads by STO
