ގއ.ވިލިނގިލި މޮނީޓަރިންގެ ހާލަތު އުވާލައިފި

ގިނަ ބަޔަކު ކޮވިޑް-10އަށް ފައްސިވުމުގެ ސަބަބުން މޮނީޓަރިންގެ ހާލަތަށް ލީ ގއ.ވިލިނގިލީގެ މޮނިޓަރިން ހާލަތު އުވާލައިފިއެވެ.

Ads by STELCO

ވިލިނގިލި މޮނިޓަރިންގެ ހާލަތަށްލީ މިމަހުގެ 14 ވަނަ ދުވަހުއެވެ. އެރަށް މޮނިޓަރިންގެ ހާލަތަށް ލެވުނީ އެރަށުގައި ހުންނަ ގއ.އަތޮޅު ތައުލީމީ މަރުކަޒުގެ ދަރިވަރަކު ކޮވިޑަށް ފައްސިވުމާ ގުޅިގެންނެވެ. އަދި އެދަރިވަރާ އެއް ގެއެއްގައި އުޅޭ އިތުރު ދަރިވަރަކު ވެސް މިބައްޔަށް ފައްސިވެފައި ވެއެވެ.

ވިލިނގިލި މޮނީޓަރިންގެ ހާލަތުން އުވާލިކަން އަންގާ އެކަމުގެ ލިޔުން ހެލްތު ޕްރޮޓަކްޝަން އޭޖެންސީ (އެޗްޕީއޭ) އިން ވަނީ އެރަށު ކައުންސިލަށް މިހާރު ފޮނުވާފައެވެ. އެލިޔުމުގައި ބުނެފައިވަނީ އެރަށުގައި ބަލަން ކަނޑައެޅުނު ކަންކަން ބެލުމުން އެރަށް މޮނިޓަރިންގެ ހާލަތުގައި ބާއްވަން ޖެހޭ ވަރުގެ އެއްވެސް ސަބަބެއް ނެތް ކަމުގައެވެ.

މީގެ އިތުރުން އެލިޔުމުގައި މޮނީޓަރިންގެ ހާލަތު އުވާލެވޭނެ ކަމަށް ބަޔާން ކޮށްފައިވާ ތާރީހުން ފެށިގެން މޮނީޓަރިންގެ ހާލަތު އުވާލެވުނީ ކަމަށާއި އެހާލަތާއި ގުޅިގެން އަޅާފައިވާ ފިޔަވަޅުތައް ވެސް ނިމުމަކަށް އައީ ކަމުގައި ވެސް އެ ލިޔުމުގައި ބުނެފައިވެއެވެ.